سماجی رابطے کی ویب سائٹ پر پوسٹ کی جانے والی ایک ویڈیو میں دیکھا جاسکتا ہے کہ مسافر رحمان ملک اور مسلم لیگ نون کے ایم این اے کو جہاز سے باہر جانے پر زور دے رہے ہیں۔ دوسری جانب پی آئی اے ترجمان مشہود تاجور نے اپنے ایک بیان میں کہا تھا کہ کراچی سے اسلام آباد جانے والی قومی ائیرلائن کی پرواز پی کے 370 میں تکنیکی خرابی کی وجہ سے ڈیرھ گھنٹے کی تاخیر ہوئی تھی۔پی آئی اے کی فلائٹ پی کے 370 کو پیر کی شام سات بجے کراچی سے اسلام آباد کے لیے روانہ ہونا تھا، لیکن یہ ڈھائی گھنٹے کی تاخیر کے بعد روانہ ہوئی۔ ان کا کہنا تھا کہ یہ اطلاع پرواز کی روانگی سے قبل ہی دے دی گئی تھی۔ سابق وزیر داخلہ رحمان ملک نے بھی پی آئی اے کی فلائٹ میں پیش آنے والے واقعہ کے بعد ایک بیان میں اپنی پوزیشن کو واضح کیا تھا کہ اس تاخیر کے ذمہ دار وہ نہیں ہیں۔