سرجم نہ بنت نزاناں چنیں واھگ اَنت منی
اے درد سہب ءُُ بیگاہ ھمساھگ انت منی
لیئکو جن انت گوشاں گوں بگ ءُُ بزگلاں
شپ گردیں ساربان ءُُ چرواھگ انت منی
لنجیں شپانی پاساں دروازگاں بہ بوج
چہ لوڈ ءُُ ھور ءُُ گوات ءَ اے آھگ انت منی
سستگ اے کہرمانیں ڈکال امبراں
میش ءُُ بُز ءُُ اے مادگ پدا ماھگ انت منی
پیر ءُُ کماش راج ءِ راھشون ءُُ رھبر انت
اے نواجون راج ءِ سرماھگ انت منی
نوں ھرکس ءَ بچار پہ کوھاں رھادگ انت
آجوئی ءِ سکین انت پرماھگ انت منی
چہ ھانی ءِ زہیراں کوراں من شے مریدؔ
دل زیر ریزگ انت جگر جاھگ انت منی
