لنجیں شپانی نیّت ءَ
عہدانی آدینک پرْشتگ اَنت
نوبت تلاریں داگی اَنت
چنچو زمانگ پوشیتگ
چنچو زہیراں بوتگ اَنت
چنچو میاراں گپتگ اَنت
چنچو گوں ارساں مینتگیں
درداں بشارت گپتگ اَت
زرد ءَ ملوریں میتگے
رژنا کتگ ،بیگواہ کتگ
لنجیں شپانی نیّت ءَ
ماہ ءِ پلاریں سورت ءَ
زَنگے گوں استالاں رُداِیت
باری پدا کیت اِنت منی
من گوں چراگیں دیدگاں
رہچاری ءَ ننداں وتی
نوبت تلاریں پروش وارت
آزمانءِ دنز اوں پہک بنت
ارسانی کیلاں مئے ودار
وھدءِ سگاریں ساھگ
نوک رُود بیت عہد ءِ کِشار
مارا اوں چنڈے نان دنت
وھد ءِ مسافر گژنگ اَنت
