کراچی: سابق وزیر داخلہ سندھ ذوالفقار مرزا کا کہنا ہے کہ اگر مجھے بے نظیر بھٹو کے قاتلوں کا علم ہوتا تو ان سے بدلہ ضرور لیتا۔
کراچی میں میڈیا سے بات کرتے ہوئے ذوالفقارمرزا نے کہا کہ بے نظیر بھٹو کے قاتلوں کے حوالے سے میرے بیان کو غلط طریقے سے منسوب کیا گیا، بینظیر کے قاتلوں کے بارے میں اللہ ہی جانتا ہے، مجھے پتہ چلتا تو بدلہ ضرور لیتا، جس قاتل کا نام لیا گیا ہے وہ بے نظیر کے قتل سے پہلے ساؤتھ افریقہ میں مارا جا چکا تھا۔
پیپلزپارٹی کے شریک چیئرمین کی جانب سے دھواں دھاربیانات پرذوالفقار مرزا نے کہا کہ آج کل آصف زرداری اپنے انٹرویوز میں اداروں اورحکومت کو دھمکیاں دے رہے ہیں، اس سے آصف زرداری لوگوں کو پیغام دینا چاہتے ہیں کہ وہ بالکل ٹھیک ٹھاک اور لڑائی کے موڈ میں ہیں، اب عوام کے ردعمل سے پتہ چلے گا کہ آصف زرداری مضبوط ہیں یا نہیں۔
