|

وقتِ اشاعت :   July 30 – 2017

کلاس ءِ استاد ءِ مرچی مارا پدا ہما کوہنیں دور ءُُ باریگ ءِ کسہانی بابت ءَ سرپد کنگ ءَ اَت ہما کسہ کہ چہ ازل ءَ گوما گون اِتاں ہماکسہ کہ آہانی بندات ءُُ آسر چو کہ فلم شولے ءِ ڈائیلوگانی پیم ءَ من ءَ پہ دل یات اِتاں یکبرے دل ءَ گشت کہ مرچی کلاس ءَ مہ گر بلئے پدا چار اِت کہ کلاس ءِ استاد دلرنج ءُُ ناراض بیت پمشکا کلاس ءَ نشتاں ہمے چُرتانی تہا اناگت ءَ گمان بوت کہ بلوچی داستانانی درائیں زالبول اگاں بیا اَنت ۔

ءُُ اے دور ءَ زندگی بہ کن اَنت گڑاچون بیت؟اگاں مہناز ءَ مرچی وتی پاکدامی پدر کنگی بہ بیت گڈاں چون کنت؟ آ روت سپریم کورٹ ءَ شہداد ءِ ھلاپ ءَ مقدمہ یے درج کنت ءُُ اے لوٹ کنت کہ آئیءَ را منی عزت ءِ جست بہ بیت۔۔۔۔!

ھانی گوں شے مرید ءَ چتور بندوکی بہ بیت اے دور ءَ شے مرید بزگ نیزگار ءُُ ملنگ اَت بلئے اگاں چاکر اے باریگ ءَ است بوتیں داں الم آئیءِ یک ءُُ دو ماڑی لند ن ءُُ امریکہ ءَ است اِتاں ءُُ ھانی ءَ بہہ نہ گشتگ اَت کہ چاکر تئی سُہر ءُُ تلاہ منا چو گوبز ءَ تج اَنت۔۔
بلکیں آئیءَ اے لوٹ کتگ اَت کہ مرچی رواں آرلینڈ ءَ ہنیمون ہمود ءَ وش اِنت۔۔۔۔۔پنوں ءِ براتاں اگاں سسی چہ آئیءَ جتا ہم بوکتیں دوں تربت ءِ جہاز ءَ پنوں سوار بوتگ اَت ءُُ دیم ءَ کراچی ائیرپورٹ پدا ہما دیم ءَ ہردوکاں ٹکٹ کت ءُُ دیم پہ سنگاپور ءَ شتاں پدا بہہ اے ملک ءَ نیااتک اَنت ۔۔۔۔۔

کیا ءَ را شلنگ ءِ بدل ءَ انچیں ویگو ءُُ کرولہ یے گون اَت کہ سدو ءِ لوگ ءِ مردم ہم آئی ءَ وتی گاڑی ءَ کتاں ءُُ دیم پہ نیلیں زر ءَ روچ برکت ءِ ندارگ ءَ ۔۔۔۔۔۔للّہ ءُُ گراناز،حمل ءُُ ماہ گنج،بیبگر ءُُ گراناز اے درائیں مہری داستان مئے عہد ءَ چون بوتگ اِتاں ؟ایشانی آسر چون بوتگ اَت؟ 

مرچی بیبگر پہک ءَ پہ یک قولے ءِ سرجم کنگ ءَ دوبر مرگ ءِ دیمپانی ءَ نہ شتگ اَت بلکیں ہمود ءَ چہ وٹس آف ءُُ فیس بک ءِ کمک ءَ آئیءَ گوں گراناز ءَ وتی دل ءِ ہُب درشان کتگ اِتاں ءُُ اسکائیپ ءِ سرا ایشاں وت ما وت باریں دگہ چے چے شَر ءُُ شِری کتگ اَت ۔۔۔۔۔۔

بلکیں گراناز ءَ چوش ہم گشتگ کہ منی سرا بیلس راہ بدئے کہ منی لیپٹاپ ءِ ایم بی ھلاس بوتگ اَنت ءُُ بیبگر ءَ پہ ناز آئیءِ سرا سے ہزار ءِ لوڈ راہ داتگ اَت ۔۔۔۔پرچکہ مئے باریگ ءَ مہر ءُُ دوستی گوں ہمے موبائل ءُُ فیس بک ءَ آدیم ءَ نہ روت پہکیں مہر ءُُ ذگریں وپا مئے دور ءُُ باریگ ءَ گور ءُُ قبراں کل کنگ بوتگ اَنت یاکہ چہ نوکیں دور ءِ نوکیں لوٹانی ترس ءَ آئی ءَ وت وتارا زندانی کتگ بلئے مئے باریگ ءَ پہکیں مہر ءُُ ذگریں وپا ہچ دمکاں زاہر نہ بیت۔ہم

ے چرتانی تہا اِتاں کہ کلاس ءِ استاد ءَ منا ءَ ٹوہینت کہ باہڑ ۔۔۔۔اے جست ءِ پسو ءَ تو بدئے چاکر ءَ پنچ شمبے ءِ سہب ءِ سرا شے مرید ءِ گس ءَ وتی ڈولءُُ ڈومکی ءُُ کاردار پہ چے ءِ ھاترا راہ داتگ اِتاں ۔۔۔۔من ءَ وتی ھیال ءَ دنیا ءَ ہمے سہت ءَ بوست کت ءُُ گشت کہ ’’موبائل چارجر ءِ ھاترا‘‘ دانکہ چاکر وتی موبائل ءَ چارج بدنت ءُُ ھانی ءَ را میسج بہ کنت۔۔۔۔۔۔۔

درائیں کلاس ءِ سنگت ءُُ نودربراں کند اِت منی کلاس ءِ استاد ءَ اے حبر سک بد برت ءُُ آئیءَ من ءَ باز ڈنڈ ءُُ ملام بار کت کہ تو منی جست ءِ سرا ملنڈ ءُُ مسکرائی کتگ بلئے آئی ءَ نزانتگ اَت من کجام دنیا ءَ بوتگ اَنت۔۔۔۔۔۔۔۔