|

وقتِ اشاعت :   August 6 – 2017

دنیا ءِ اے یک کانودے کہ سیمسرانی کش ءُُ گورا نندوکیں مردماں وت ماں وت نندو گند ،سور ءُُ آروس ءُُ بیپاری ءِ آزاتی بیت ءُُ سیمسرانی مردم ہر دوملکاں داں ۳۰۰ کلو میڑ ءَ شت ءُُ اتک کن اَنت ۔ بلوچستان ءِ سیمسراے وہد ءَ پاکستان ءِ دوست ،ہمساہاگ ،اسلامی ،برات ءُُ ناشری ءَ پاکیں ملک گوں ایران ءَ ہم لٹ اَنت۔

عالمی کانود ءِ رد ءُُ پاکستان ءِ جاورانی پشدر ءَ بائدیں اے وہد ءَ ہما سیمسری بیپار کہ پاکستان ءِ ازلی دشمن بھارت ءُُ دائمی دشمن افغانستان ءِ سیمسراں بوہگان انت بائدیں نوکیں جاوراں آ بیپار ایرانی سیمسراں آرگ بہ بیت پرچکہ چہ بھارت ءَ بازیں ناشرے واہگ ءِ راہ آہگان ءُُ بلوچستان ءُُ ایندگہ دمگاں ( صوبہ) ناشری کنگان انت ۔

دومی دست ءَ چہ افغانستان طورخم ءُُ چمن بارڈر ءَ ہم بھارت بازیں ناشری بلوچستان ءُُ پاکستان ءِ ایندگہ دمگاں دیم ئیگان انت ۔نوکین ناشری ءِ درچ کہ چہ شاہ نورانی ،سہیون شریف ءُُ پارا چنار ءَ گندگ بوتگ انت واکدارانی گشگ ءِ ردا اے ناشرانی پد افغانستان ءَ ءُُ پدا بھارت ءِ روگان انت ۔

ہنچو کہ واکدار گش انت کہ اے ناشر چہ افغانستان ءُُ بھارت ءَ پاکستان ءَ اتکگ انت پرچکہ آ پریشن ضرف عصب ءَ پد ماں پاکستان ءَ ناشر سرین پروش کنگ بوتگ انت پدّر انت کہ اگاں اے ناشر چہ افغانستان ءُُ بھارت ءَ اتکگ انت گڈا اشانی راہ ءُُ دگ واہگہ بارڈر انت بلوچستان ،افغانستان سیمسر انت ۔

پیش ءَ افغانستان ءِ سیادی گوں پاکستان ءَ جوان تر بوتگ انت بلئے نوکٰیں جاوراں افغانستان ءِ سیادی گوں اسلام آباد ءُُ چہ بھارت ءَ گنتر انت پمشکہ نوکیں وہد ءِ جاور ہمیش گش انت کہ اے بیپار ءُُ سیادی کہ گوں پاکستان ءِ ازلی دشمن بھارت ءُُ دائمی دشمن افغانستان ءِ بدل ءَ بائدیں گوں ایران ءَ بہ بیت پرچکہ ایران یکے وَ ہمساہگیں ملکے ءُُ دومی اسلامی ملکے ،ایران ءِ سیادی گوں پاکستان نہ ایوک ءَ کوہن ءُُ قدیم انت ۔

بلکہ دو دمانی بن دپتری ہم ہست انت پاکستان ءِ جوڑ بوہگ افغانستان ءَ پاکستان قبول نہ کت بلئے ایران ءَ کت ،گوستگیں شانزدہ سالاں افغانستان گوں بھارت ءِ ہواری ءَ یکشل ءَ پاکستان ءِ پدا کپتگ بلئے اے جاوراں ایران ءَ مدام پاکستان ءَ مدد ءُُ کمک کرتگ اگاں اے تور ءِ پشدر ءَ پاکستان وتی راجکاری مالی ءُُ بیپاری سیادی گوں ایران ءَ برجاہ بکنت گڑا اے کار ءَ پاکستان ءَ ہوار پاکستان دیریگیں ءُُ مشکل ءُُ جنجالانی دوست ءُُ پاکستان ءِ پانگ پا چین ہم بازیں نپ ءُُ سیتے دوست گپت کنت پدا بازیں سالے کہ پاکستان ءُُ چین دلمانگ انت۔

کہ بھارت ءِ پندلاں سی پیک ءِ پشدر ءَ سوبین بوہگ ءَ میل انت ءُُ ایران ءَ سی پیک ءِ بہرے جوڑ بکن انت نوں اگاں پاکستان ایران ءَ سی پیک ءِ بہر جوڑ کتگ

پہ منگینی لوٹ ایت گڑا ایشی ءِ یکیں راہ ءُُ در ہمیش انت کہ بندات ءَ پاکستان ناشری ءَ دارگ ءِ حاترا وتی ازلی دشمن بھار ت ءُُ دائمی دشمن افغانستان ءِ سیمسراں بیپاراں بند بکنت ءُُ ایران ءِ سیمرااں بو بوج انت زاہر انت اگاں پاکستان ءُُ چین ءَ اے کار کرت گڑا ایران وت مجبور بیت کہ گوں پاکستان ءُُ چین ءَ وتی دوستی ءُُ محکم بہ بکنت پرچکہ چرے کار ءَ ایران ءِ مالی جاور گہتر بوت کن انت اے وڑا پدا ایران گوں چین ءُُ پاکستان ءَ سی پیک ءَ ہوار بیت ۔

ہمے درچ ءَ چین پاکستان ءُُ روس ءَ ذرباری ایشیا ءَ پاکستان ءِ ازلی دشمن بھارت ءُُ دائمی دشمن افغانستان ءِ پشت ءَ یک نوکیں ءُُ محکمیں دوستے ءُُ ہم پتے دست کپ ایت ۲۰۲۳ ءَ وہدے سی پیک بنگیج بیت گڑا ذرباری ایشیا ءَ بھارت گوں افغانستان ءَ ایوک بیت ءُُ پاکستان ،ایران ءُُ چین یک جوانیں ہم پتی یے ءَ دیمروئی کنان بنت ۔