|

وقتِ اشاعت :   August 13 – 2017

میر غوث بخش بزنجو ءِ مرگ ءَ نوں دو دھک ءَ گیش بیت کہ کینسر ءَ چہ ما جتا ءُُ گستا کت بلئے آئی ءِ راجکاری پگر ءُُ لیکہ ءِ سان ءُُ ناس درائیں بلوچستان بلکیں درائیں دمگ گندگ بنت ۔

ریاست ءِ قلات ءِ ۱۹۵۰ ءِ راجکاری ءَ پد بزنجو بلوچ نوکیں راجکاری ءِ سرکیل زانگ بیت کہ آئی ءَ ملک ءِ اسمبلیاناں وتی راجکاری بنزیاہ کت ءُُ راجکاری ءَ را ملک ءِ آئین ءِ راہبندانی رد ءَ کنگ ءِ جہد کت آ جوئیں گہگیری سرے ءِ واہند ات پارلیمنٹ ءِ کار رہبنداں سرپد ات ءُُ یک راجکارے ءِ ردا ’’دری زور برتی ‘‘یے ءِ منوک نہ اَت ۔

آ پاکستانی راجکاری زید ءَ یکیں راجکار ات کہ آئی ءَ وہدے قومی اسمبلی ءَ تران کت گڈا مہلوک ءَ بے ترک ءُُ تواری ءُُ دلگوش ءَ گوش داشت ۔آئی ءَ گیشتر ملکءِ راجانی حق ءُُ مالیاتی جیڑہانی سراتران کت ۔

ہندوستان ءِ بہر ءَ بانگی ءَ ساری وہدے آئیءَ الس مچیاں تران کت گڑا لس مہلوک ءَ آئی را جوانیں وڑے ءَ گوش داشت ءُُ آئی ءِ شور ءُُ سلاہاناں ارزشت دات ۔ 

آ یک دیمروئی دوستیں مردمے ات ءُُ ہندوستان ءِ کمیو نسٹ پارٹی ءِ باسک اَت ۔ آ ہواریں ہندوستان ءِ آجوئی ءِ زنڈیں کاردارے ات ءُُ پرے جہد ءَ آ جیل ہم کنگ بوت ۔وہدے سرّگیں لشکر ءَ جنرل ضیا ءِ دور ءَ افغانستان ءِ سرا ارش کت گڑا جنرل ضیا ءُُ آئیءِ مردماں اے بابت ءَ گوں غوث بخش بزنجو ءَ شور ءُُ سلاہ کت ۔

بزنجو ءِ گوں جنرل ضیا ءَ سلاہ ہمیش ات کہ آ پاکستان ءِ ڈگار ءِ سرا افغانستان ءِ مردماں ٹرینگ مدنت پرچکہ افغان ہر وہد ءَ پہ زلورت وتی وپاداری ءَ بدل کن انت ءُُ پدا وتی تپنگانی دپاں گوں پاکستان ءَ کن انت ۔

مرچی بزنجو اے گپ راست بوتگ اے وہد ءَ طالبانانی گیشتریں بہر گوں پاکستان ءَ جنگ ءَ انت۔ آئی ءَ اے ہم گشتگ ات کہ دیر نہ بیت کہ یو ایس ایس آر چہ افغانستان ءَ درکیت ءُُ پدا افغانستان ءِ نشانک پاکستان بیت ءُُ مرچی ہمے وڑ بوہگان انت پاکستان ءِ واکداریں مردماں آئی ءِ درائیں زند ءَ آئی ءَ را مدام پہ پاکستان ءُُ یک ترسے گیرات ۔پمشکہ آئی ءَرا راجکاری جیڑہانی سرا جیل کت۔ 

ون یونٹ ءِ ہلاپ ءَ کار کنگ ءِ سرا آئی ءَ را ۱۴ سال جیل کنگ بوت۔ ۱۹۸۸ ءِ گچین کاریاں مزن سندیں واکداراں میر بزنجو ءُُ ولی خان ءَ را نہ وشیں مردمانی رم ءَ کت وہدے آہاں جلال آباد افغانستان ءَ دگہ حکومتے ءِ جوڑ کنگ ءِ سوڈگ کت پرچکہ آ وہد ءِ قومی اسمبلی ءَ ماں جلال آباد ءَ اے حکومت منگی ات پمشکہ میر بزنجو ءُُ ولی خان ءَ را چہ اے قومی اسمبلی دور دارگی ات۔

بی ایس او ءِ یک بہرے ءُُ برجمیں بی این ایم ئےِ ڈاکٹر عبدالحئی ءِ کماشی ءَ بزنجو ءِ ھلاپ ءَ اوشتات ءُُ آہاں ہواری ءَ میر غوث بخش دور دات اے دوئیں گلاں وت ءَ را دیمروئی دوست ءُُ راج دوست گشت ۔

وہدیکہ ولی خان چہ مولانا حس جان ءِ دیم ءَ کپت پدا اے دوئیں گلاں مزن سندیں واکدارانی گشگ ءِ ردا ہواری ءَ کار کت ءُُ پراہاں لوگ لوگ ءَ ووٹ مچ کت ۔۱۹۷۱ ءَ ملک ءِ پروشگ ءَ پد حکومت ءِ واک ءُُ اختیار پی پی ءَ دئیگ بوت انت ءُُ بھٹو ءَ وتی حکومت جوڑ کت ۔بلوچستان ءَ نیپ ءَ وتی حکومت جوڑ کت کہ آئی ءِ وزیر اعلیٰ سردار عطا اللہ منیگل ءُُ گورنر غوث بخش بزنجو بوت انت ۔

بھٹو تروتاب ءَ ایران ءَ شت پرچکہ پاکستان ءِ راجمان ءُُ مالیاتی جاور سک حراب ات انت ۔بلئے ایران ءِ شاہ پاکستان ءِ مدد ءُُ کمک ءَ تیار ءُُ ساڑی نہ بوت پدا بھٹو ءَ بلوچستان ءِ گورنر میر غوث ءَ را گشت کہ آ ایران ءَ میار بہ ترین ایت اے درگت ءَ میر غوث بخش بزنجو وت ایران ءَ شت۔

شاہ ایران میر آباد ائیر پورٹ ءَ وت میر غوث بخش بزنجو ءِ دیم ءَ شت ۔بھٹو ءُُ آئی ءِ واکداریں مردم حیران ءُُ اجکہ بوت انت کہ شاہ وت چوں میر غوث بخش ءِ وش اتک کت ۔

گوں میر غوث بخش ءَ گند ءُُ نند ءَ پد ایران ءِ شاہ ءَ پاکستان ءَ ۳۰۰ ملین امریکی ڈالر دات کہ آئی ءِ سوب ءَ پاکستان ءِ کپتگیں مالیات ءَ بود کت ایشی ءَ ہوار ایران ءِ شاہ ءَ گوادر ءَ ڈیب واٹر پورٹ ،خصدار ءَ انجئیرنگ کالجے ءُُ اتھل ءُُ کوئٹہ ءَ گد ءِ کارجاہ دئیگ ءِ ہم جار جت ۔

اے کارجاہاں بیست ہزار کہو ل ءَ روزگار رسگ ءِ گنجائش ہست ات ۔پرے کاراں غوث بخش ءَ شاہ ایران ءِ گوں بلوچ سرمچاراں سہل ءُُ تران کنائینت کہ ایرا ن ءِ حکومت ءِ ھلاپ ءَ جنگ ات انت اے جنگ بندی داں روچ ء مرچی برجاہ انت آ یک جوانیں راجکارے ات آئی ءَ مہلوک ءَ را پارلمنٹ ءِ سد ءُُ سما بخشات کہ وتی حق ءُُ میراثاں پارلیمنٹ ءَ پشت گرگ ءِ ھاترا جہد بکن انت ۔

آ میر گل خان نصیر ،سردار عطا اللہ مینگل ،نواب خیر بخش مری ،نواب اکبر خان بگٹی ءَ ہوار دگہ ہزاراں بلوچ راجکارانی سرکیل ات ۔پاکستان ءَ ہم پتی ءُُ ہم لیکہی ءِ پگر ہمائی ءَ دیمروئی دات آئی ءَ را ج دشمنیں طاقتاں پروش دئیگ ءِ حاترا پاکستان ءَ راجاناں تپاک بوہگ ءِ سلاہ دات ۔

ولی خان ءِ نیپ ءِ جوڑ کنگ ءَ مستریں دست میر غوث بخش بزنجو ئیگ ات پدا مولانا بھاشانی ءِ ہوار بوہگ ءَ پد اے نیپ کنگ بوت کہ پدا پرشت ءُُ ولی خان گروپ جتا بوت۔