Rousseauءَ گوشیت کہ ”Man is born free but every where he is in chain” پت ءِ کارست ہم گوں زندے زمزیلاں بندوک انت ۔آرا ءَ چک نہ بیت آئی ءِ دست ہچ ءَ نہ رس ایت ۔

چکے بیت بلئے آئی ءَ گوں وت ءَ داشت نہ کنت آہر نیمگ ءَ بندوک انت ءُُ بے وس ان ت۔حس سول ( درچک) ہم زندگیں مردمے ءِ کارستے ءِ پیم ءَ دیم ءَ کیت لئے کسہ ءِ توکا آرا درچکے ئیں دارگ بوتگ ۔انو کہ ماگوشت اے کسہ چہ یک myth ئے ءَ ساچگ بوتگ ءُُ methologyءِ تہ درچک ءَ را باز طاقت ور پیش دارگ بوتگ ءُُ لبزانک ءِ تہ ءَ درچک ءَ باز وڑا جوڑ کن انت کنز ءِ درچک بازیں راجاں بازیں رنگاں Symbolizeکرتگ چوشکہ جاپانی ربیدگ ءَ کنز ءِ درچک وشی ءُُ شریں قسمت ءَ پیشداریت ۔

چین ءِ روایانانی تہ ءَ ایشر ءَ Verginity ءُُ خوبصورتی ءِ Symbolزانگ بیت ہر راج ءِ وتی myths بنت ءُُ ہمے پیم ءَ بلوچ کنز ءِ درچک ءَ گوں جن ءُُ بلاہاں زاناں ۔مرد درچک ءِ گورا روت مرادلوٹ ایت مراد لوٹگ بلوچ رویتانی تہ ءَ باز کندگ بیت ۔

کسہ دیم ءَ روت نوک مدینہ شانزدہ سال ئیگ ءِ بیت گڑا حسن سول( درچک) آئی واب ءَ کیت آوتی پت ءَ را ہمے بارو ءَ گوشیت بلئے پت آرا پسو دنت ’’ اے وابے ،واب ءَ ہرکس ہرچی گندیت ایشاں معنا نیست ‘‘ نوک مدینہ ءَ ہمے واب ءِ گندگ ءَ مردے واب ہرام بیت ءُُ آرا ءِ قول یات کیت ۔ 

کنر ءِ درچک حسن سول نوک مدینہ واب ہمرا پتی مہرelectra comblex گندگ ءَ کیت نوک مدینہ وتی واب ءَ مات ءَ را نہ گوش ایت بلکیں آ وتی پت ءَ حبر کنت ۔ نوک مدینہ ءِ بار بار ہمے وابے گندگ ءَ حضرت ابراہیم ءِ واب ءِ ترانک کپت ایت کہ آہمے وڑیں وابے باز سپاں کندایت کہ برو وتی چک ( حضرت اسماعیل ) ءَ قربان بہ کن ۔

انسان ءِ زند گوں بازیں برز ءُُ جہلاں ہمکرنچ انت ءُُ آ چہ ازل ءَ وتی آزتی ءِ واہگ دار انت حسن سول ءِ آزمانک ءِ کارست مرد وتی آزاتی ءِ ھیال ءَ کنت ءُُ وتی قول رکین ایت ۔ حسن سول ءِ تہ ءَ چہرئی زبان جوانیں پہمے ءَ کارمرز کنگ بوتگ چشکہ چہری: وہدے کہ آئی ءِ چم پچ بوت انت انسرتگین شپ ءُُ جنگل ءِ تہاری ءَ سیہ مارے آئی ءِ ارواہ ءِ بندان راہ دات‘‘۔ 

چیدگی: ’’من کنز گپ ءَ یاں ۔۔۔تئی سرین ءَ تئی دار ءِ پیتی یے ایر انت آئی ءَ پچ کن آئی ءِ تہ ءَ گومزے درکیت تئی لنککے ءَ وارت ہمے ترا منی گپاں گیر کار ایت ‘‘۔ حسن سول ہر رنداں کہ وانگ بہ بیت آئی ءِ معنا بدل بنت اے حسن سول ءِ چیدگی زیبائی انت ۔ءُُ حسن سول بنی آدم پیداک بووک بہ گرداں آئی ءِ مرگ ءِ نیام ءِ زندانت ۔(گڈی بہر)