کوئٹہ: بلوچستان کے معروف سیاسی شخصیت سید شے ظفر بلوچ نے سانحہ ہوشاب کی بھر پور مذمت کرتے ہوئے کہا کہ اب بلوچ قوم کی عزت ننگ و ناموس بھی عدم تحفظ کا شکار ہے عوام کی جان ومال کے محافظ عوام کی غیرت پر حملے کررہے ہیں۔
کوئٹہ: جمعیت علما اسلام کے صوبائی امیر مولانا عبدالواسع نے مطالبہ کرتے ہوئے کہا کہ فرانسیسی سفیر کو فوری طورپر ملک بد رکیا جائے حضور اکرم ؓکی شان میں گستاخی کسی صورت برداشت نہیں کی جائے گی ،اگر سلیکٹیڈ اور نا اہل حکومت نے فرانسیسی سفیر کو ملک بدر نہیں کیا تو تمام مذہبی اور سیا سی جماعتیں حکومت کے خلاف شدید احتجاج کریں گی ، شہباز شریف کی رہائی جمہوری قوتوں کی فتح ہے۔
پشین:پشین کی سیاسی جماعتوں اور تاجر تنظیموں کا شہر کے تجارتی گنج منڈی میں اتشزدگی کے واقعہ کے خلاف پشین شہر میں احتجاجی مظاہرہ اور سٹی پشین تھانہ کے سامنے احتجاجی دھرنا، مطالبات کی عدم منظوری کی صورت میں احتجاج سخت کرنے کا اعلان کردیا۔ متاثرہ تاجروں کے نقصانات کا ازالہ اور واقعے کی تحقیقات کا مطالبہ کردیا۔
کوئٹہ:وزیر اعلیٰ بلوچستان جام کمال خان نے بعض اخبارات میں لورالائی میں منی سینماگھر،سنوکر کلبوں، اوستہ محمد میں گندم کی خریداری کے نام پر کرپشن اورپشین سول ہسپتال میں آکسیجن کی کمی اورڈاکٹر کی غیر حاضر ی کے باعث مریض کے دم توڑے جانے کی خبروں کا سختی سے نوٹس لیا ہے اور مذکورہ تمام معاملات میں کاروائی کی ہدایت کی ہے۔ بعض اخبارات میں یہ خبر شائع ہوئی ہے کہ لورالائی میں منی سینما گھروں اور سنوکر کلبوں کیوجہ سے نوجوانوں نسل کا مستقبل تباہ ہورہاہے۔
اسلام آباد: وزیر اعظم عمران خان نے کہا ہے کہ کوئٹہ میں بزدلانہ دہشت گرد حملہ قابل مذمت ہے، دہشت گردی کی اس لعنت کو دوبارہ اٹھنے نہیں دیں گے۔سماجی رابطے کی ویب سائٹ ٹوئٹر پر اپنے بیان میں وزیر اعظم عمران خان نے گزشتہ روز کوئٹہ دھماکے میں معصوم جانوں کے نقصان پر دلی افسوس کا اظہار کیا۔وزیر اعظم نے کہا کہ ہماری قوم نے دہشتگردی کو شکست دیتے ہوئے بڑی قربانیاں دی ہیں۔
کوئٹہ: کوئٹہ میں سرینا ہوٹل میں ہونے والے بم دھماکے کا مقدمہ درج کرنے کے بعد دھماکے کی باقاعدہ تحقیقات کا آغاز کردیاگیا مبینہ خود کش حملہ آور کے اعضاء اکھٹے کرلئے گئے جبکہ دھماکے میں جاں بحق افراد کی تعداد 5ہوگئی 3زخمیوں کو ہسپتال سے ڈسچارج کردیاگیا۔
کوئٹہ: صوبائی وزیر داخلہ میر ضیاء اللہ لانگو نے کہا ہے کہ سی پیک کے پورے خطے پر مثبت اثرات مرتب ہوں گے اس لیے یہ دشمن کو ایک آنکھ نہیں بھا رہا ہے اور وہ بلوچستان میں دہشت گردی کروا کر دنیا کو یہ بتانا چاہ رہا ہے کہ بلوچستان میں حالات خراب ہیں لیکن دشمن یہ نہیں جانتا کہ پاکستان اور چین کے مابین دوستی اور تعلق کے رشتے کی دنیا میں کوئی اور مثال نہیں ملتی۔
کوئٹہ: سوئی سدرن گیس کمپنی صارفین کے لئے درد سر بن گیا ، بلوں کے شکایات لے کر آنے والوں کی لائنیں لگ گئیں تاہم کسی کو میٹر تبدیل کرنے اور کسی کو پورا بل جمع کرنے کے مشوروں سے نواز کر واپس بھیج دیا گیا ، اس موقع پر روزہ دار صارفین کا کہنا تھا کہ سوئی سدرن گیس کمپنی کے حکام کا صارفین کے ساتھ رویہ انتہائی نامناسب ہے بلکہ پی یو جی اور سلو میٹر سمیت مختلف حیلے بہانوں سے صارفین کو بھاری بھرکم بل بھیجے جارہے ہیں ۔
خضدار: سابق وزیراعلیٰ بلوچستان چیف آف جھالاوان نواب ثناء اللہ خان زہری نے کہاہے کہ گزشتہ شب سرینا ہوٹل میں ہونے والا بم دھماکہ قابل مذمت اور افسوسناک ہے دھماکے کے نتیجے میں قیمتی انسانی جانوں کا ضائع ہونا ناقابل تلافی نقصان ہے۔ رمضان المبارک کے مقدس مہینے میں بے گناہ افراد کو مارنا بم دھماکہ کرنے والے انسانیت کے دشمن اور بے رحم ہیں ۔
کوئٹہ: پولیس نے مقامی ہوٹل میں ہونے والے خودکش دھماکے کی تحقیقات کا دائرہ وسیع کردیا،پولیس حکام کے مطابق دھماکے میں گولڈن کلر کی 2005ماڈل کی کار استعمال کی گئی ساٹھ کلو سے زائد دھماکہ خیز موادکار کے مختلف حصوں میں فٹ کیا گیا تھا۔