موسم بیگاہ کہ بیت من ءَ تئی تر انگاں گیج اِیت
تئی چیدگ گوں من بے ھال نہ بیت
من تو بلکیں یکیں مکتب ءَ نہ اَت اَنت
بلے من تو مدام راہ ءَ دوچار کپتاں
تئی چیدگ ہر تک ءِ سرا زاہر اَت اَنت
بیگاہ بیت ہما موسم ءَ یات کناں
یک سردی ءِ ماں جان ءَ ایر کپیت
سہب کہ وتی رُژنائیں بانزلاں شنگین اِیت
سہب ءِ زلفانی وشبوہر نیمگ ءَ تالان بنت
بیگاہ کہ وہدے وتی سیاہیں شارءَ مانپوش اِیت
بیگاہ ءِ زَرد چَکیں پُل دگہ ڈولے مَلّان بنت
تہاری گوں ساھگاں وھدے گوازی کنت
شپ وتی کسہاں پدا نوک کنان بیت
دراہیں تک یک یک بوھان بنت
وھدے شپ ءُ سہب پدا جمرانی چمانی تہا ایر بُک اَنت
منی مچاچانی سراہما بیگاہ
ہما موسم پدا شیپگران بیت
موسم بیگاہ کہ بیت من ءَ تئی ترانگاں گیج ایت!
