|

وقتِ اشاعت :  

سعودی سرکاری رسانک در ءِ رد ءَ سلطنت عمان ءُُ مسقط ءَ سعودی ءِ کماشی ءَ ٹہیتگیں فوجی تپاکی ( اتحاد) ءَ ھوار بوھگ ءِ سوڈگ کتگ۔ اے تپاکی دمگ ءَ ناشری ءُُ شدت ءِ دیم ءِ دارگ ءَ جوڑ کنگ بوتگ ۔سعودی ءِ دیمپانی وزیر ءَ چہ مسقط ءِ ہم رش ءَ یک کاگدے رستگ کہ آئی ءِ تہہ ءَ نبشتگ کہ سلطنت عمان ءَ مسقط سعودی کماشی ٹہیتگیں تپاکی ءَ ھوار بوھگ ءَ دلمانگ اِنت ۔مسقط ءِ ھوار بوھگ ءَ پد اے تپاکی چل(۴۰) اسلامی ملکانی بیت کہ چد ءُُ پیسر ۳۹ ملکانی بوتگ کہ ایشیءِ تہہ ءَ پاکستان ہم ھوار اِنت ءُُ ہمے زوتاں اے حال ہم آتکگ کہ پاکستان ءِ آرمی ءِ پیسریگیں کماش راحیل شریف اے تپاکی ءِ دیمپانی سلاہ کار اِنت ۔ بندات ءَ اومان ءُُ مسقط اے تپاکی ءَ ھوار بوھگ ءَ ساڑی نہ بوتگ ءُُ ننکہ اے بابت ءَ وتی لیکہ یے درشان کتگ اَنت کہ پرچہ ھوار بوھگ نہ لوٹ ایت اگاں کہ عمان ءُُ مسقط یک سنی ملکے البت آ وھداں عمان ءُُ مسقط ءِ سیادی گوں ایران ءَ جوان ءُُ وش بوتگ اَنت بلکیں ہمے درگتءَ آ اے سعودی تپاکی ءَ ھوار نہ بوتگ کہ آ ایران ءِ پشت ءَ بدگشی ءَ ساڑی نہ بوتگ۔