وہدے میڈم وتی گشتانک ءَ دئیگ ءَ ات منا انچو سما بوت کہ اگاں کسے بلوچی شاعری ءَ جنین آدمانی توسیپی گال ءُُ آہانی سہتانی سرا یک مقالہ یے نبشتہ بکنت داں چون بیت؟ ۔۔۔
منی حیا ل ءَ ا ے گپ پیداک اَت کہ میڈم ءَ وت گشت کہ ’’ اے پہ ایم فل ءَ یک مقالہ یے ہم بوت کنت‘‘؟وہدے ءَ شاہ محمد مری اتک ءُُ آئی ءَ وتی گشتانک دات داں یک جتائیں موسمے دیم ءَ اتک مری چنائی ءَ ہم وتی جتائیں تبے داریت بلئے واجہ ءَ یک چیزے باز شر کتگ کہ وتی جند ءِ زبان ءَ وتی گشتانکے دات ءُُ ہما گپ کہ آئیءَ را کنگی اِتاں درست پہ مہکمیں رنگے ءَ گشتاں ۔
اگاں راستی ءَ بچار اِت مرچیگں دیوان ہمائی ءَ باج برتگ اَت ۔۔۔۔۔۔ دیوان ءِ باجبری ہما وہد ءَ زانگ بیت کہ آئیءِ ہمک گپ ءَ چاپ توار بکن اَنت ،چاپ چنائی ءَ برے برے مردمانی چہ اسٹیج ءَ ایر گیجگ ءَ ہم کنگ بیت بلئے مرچی آ وڑ نہ اَت ۔آئیءَ مری گالوارءَ وتی گشتانک دات کہ ایشیءِ شیرکنی بلکیں بازین مردمانی پگر ءَ مئیت اِنت بلئے ہما کہ ایشیءَ پوہ بوہگ ءَ اِتاں آ شر زان اَنت ۔
یکبرے دیوان کمو دگہ وڑ بوت وہدے خالد خٹک وتی گشتانک ءَ وانگ اَت ءُُ سنگت رفیق ءُُ شاہ محمد مری ءُُ اے دگہ وت ماں وت انچو گپ کنگ ءَ اِتاں کہ گشئے اے دیوانے بوہگ ءَ نہ انت ۔
آ وتی جتا یک دیوانے کنگ اِتاں یا وَ انچیں گپے بوہگ ءَ اَت کہ پہ دیوان ءَ حراب ات یاکہ شر اَت اے گپ ءِ گیشواری داں گڈی ءَ نہ بوت بلئے دیوان ءَ درائیں مردماں اے گپ مار اِتگ کہ چوش بائد مہ بیت ،یاوَ خالد خٹک ءِ دراج بُریں گشتانک ءَ ایشاناں انچو بے وس کتگ اَت کہ آ وت ما وتی گپے بکناں داں گہتر اِنت ۔
دیوان ءِ پاگواجہی ءَ سلیم کرد صاحب کنگ ءَ ات ۔بلئے واجہ ءِ ھئیل ءُُ عادت ءَ درست سہی ءُُ سرپد اِتاں کہ دراج برُیں تران کنت ۔بلئے اے بری آئی ءَ وتی گوستگیں درائیں ریکارڈ پروشتاں ۔
یکبرے سرجمیں دہ ءُُ بیست منٹ ءَ پہ زبانی ءَ عنقا ءِ بابت ءَ ترانے کت پدا گشیت کہ من دہ ءُُ بیست جلد ءَ محمد حسین عنقا ءِ سرا کتاب نبشتگ ،یک ءُُ دو جلد آئی ءَ ہمے دیوان ءَ وانگ ءِ ناکامیں جہدے کت اگاں دیوان ءِ مردماں گیاسگ بندات مہ کتیں ۔۔۔۔!
آئیءِ گشتانک اردو ءَ ات بلئے اردو ہم کجام بلوچی گوناپ داتگیں ،دومی آ وانیت وانیت پدا گیشت کہ ’’ بات کو مختصر کررہا ہوں ‘‘۔درائیں دیوان حیران اَت کہ اگاں مختصر ایش اِنت کہ گوں طویل ءُُ طوالت کجام چیز ءِ نام اِنت۔۔۔۔۔ ہردے آئیءَ وتی دومی کاپی درکت ءُُ گشت کہ ’’بات کو مختصر کررہا ہوں ‘‘ گڈا دیوان ءِ آٹیگ نہ شت ءُُ دیوان ءِ درائیں مردماں یکپارگی گشت ڈاکٹر صاحب آج لئے کافی ہے ۔
۔۔۔۔۔۔۔ نوں سلیم کرد ءَ ماراِت کہ آئی ءَ باز گپ جتگ ۔بلوچی ڈیپارٹمنٹ ءِ گیشتریں دیوان گوں چاہ ءُُ چہر ءَ آسر بنت اے دیوان ءَ ہم انچش اَت بلئے ہما چیز کہ من کم چہ کم وتی چار،پنچ سالانی تہا نہ دیستگ ات کہ دیوان ءَ چاہ ءُُ چہرے سر بئیت اے اولی دیوان ءَ ات مردمانی ورگ ءَ پد اوں بازیں چیزے سر اِتکگ اَت یا وَ سامان چہ مردمانی کساس ءَ گیش بوتگ اَنت یاکہ بلوچ قوم نوں بود کتگ کہ ایوک ءَ ورگ ءَ کار شر نہ بنت ۔۔۔۔۔
ءُُ آ چہ لاپ ءَ آدیم جیڑگ ءِ چار ءُُ بچار کنگ اِنت۔ دیوان ءِ گڈی ءَ واجہ حامد بلوچ کہ بلوچی ڈیپارٹمنٹ ءِ کارمستر انت آئیءَ مردمانی منت گپت ءُُ دیوان ءِ آسری ءِ جار جت۔ آئیءَ گشتگ اَت کہ من مروچی گپ نہ جناں بلئے گپے وَ جت۔۔۔۔۔
وہدے چاہ ءُُ چہر ءِ نام گرگ بوت داں چیزے مردم کہ ایوک ءَ چاہ واری ءَ اتکگ اِتاں آیاں دل ءُُ چم ہر دو رژنا بوتاں۔۔۔۔حئیر اے وڑ ءَ یک روچے یاتے دیوان آسر بوت۔