تیسری دنیا میں تخت حکمرانی کا جھگڑا،لبنان ایک مثال

| وقتِ اشاعت :  


لبنان کے وزیراعظم اپنی پور ی کابینہ سمیت مستعفی ہو گئے۔ انہوں نے اس بات کا اعلان قوم سے خطاب کرتے ہوئے کیا۔وزیراعظم کا کہنا تھا کہ کرپشن کی جڑیں ریاستی نظام سے زیادہ مضبوط ہیں۔ انہوں نے اپنے خطاب میں کہا کہ سیاسی طبقوں نے ملک کو قرضوں کے بوجھ تلے دبا دیا ہے۔ لبنان کے دارالحکومت بیروت میں گزشتہ ہفتے ہونے والے دھماکوں کے بعد لبنان کی پوری حکومت نے مستعفی ہونے کا فیصلہ کیا۔ لبنان میں دھماکوں کے بعد ہونے والے حکومت مخالف پُر تشدد مظاہروں اور ہلاکتوں کے بعد لبنانی وزیراعظم حسن دیاب نے یہ فیصلہ کیا۔واضح رہے کہ 4 اگست 2020 ء کی شام خطرناک دھماکوں نے لبنان میں قیامت برپا کر دی تھی۔ چند لمحوں میں ہنستا بستا شہر قبرستان کا منظر پیش کرنے لگا۔



کراچی کے مسائل پر سیاست، عوام بدحال

| وقتِ اشاعت :  


سپریم کورٹ نے کراچی کو بجلی فراہم کرنے والے ادارے کے الیکٹرک کے سی ای او سمیت ذمہ دار انتظامیہ کے خلاف مقدمہ درج کرنے کا حکم دے دیا۔چیف جسٹس نے سی ای او کے الیکٹرک، ذمہ دار انتظامیہ کے خلاف مقدمہ درج کرنے اور نام ایگزٹ کنٹرول لسٹ(ای سی ایل) میں ڈالنے کا حکم بھی دیا۔عدالت نے کرنٹ لگنے سے اموات پر مقدمات درج کرنے کا حکم دیا۔ چیف جسٹس نے کہا شہر میں بجلی کا بحران بدترین ہوگیا ہے، گھنٹوں گھنٹوں کی لوڈشیڈنگ کی جارہی ہے۔چیف جسٹس کا کہنا تھا کہ کراچی میں آٹھ دس لوگ روز مر رہے ہیں۔



بلوچستان میں ڈیمزکی تعمیر، عوام کادیرینہ مسئلہ حل ہونے کی امید

| وقتِ اشاعت :  


وزیراعلیٰ بلوچستان جام کمال خان نے گزشتہ روز ڈیمز کے حوالے سے اعلیٰ سطحی اجلاس کی صدارت کی، وزیراعلیٰ نے صوبے میں تعمیر ہونے والے تمام ڈیموں کے ساتھ پچاس سے سو ایکٹر رقبہ جنگلات لگانے کے لئے مختص کرنے اور اسے باقاعدہ منصوبے کا حصہ بنانے کی ہدایت کرتے ہوئے کہا کہ ہر علاقے کی موزونیت کے مطابق شجر کاری کرکے ماحولیاتی تحفظ کے لئے گرین ہاؤس کے اثرات پیدا کئے جاسکیں گے، وزیراعلیٰ نے ڈیموں کے کمانڈ ایریا کی سرکاری اراضی کو زرعی مقاصد کے استعمال کے لئے لیز پر دینے کی ہدایت بھی کی۔



سانحہ 8اگست،دہشت گردی کیخلاف عہدکا دن

| وقتِ اشاعت :  


سانحہ سول ہسپتال8اگست کے شہداء وکلاء, وصحافیوں کی چوتھی برسی آج بلوچستان بھر میں منائی جارہی ہے ۔اس دلسوز واقعہ کو بلوچستان کی تاریخ میں ہمیشہ سیاہ باب کے طور پر یاد رکھا جائے گا اس دن دہشت گردوں نے ایک منظم منصوبہ بندی کے تحت بلوچستان کے پڑھے لکھے طبقہ کو نشانہ بنایا جس سے ایک بہت بڑا علمی نقصان ہوا جس کی خلاء کبھی پُر نہیں کی ہوسکتی۔ سانحہ سول ہسپتال کے شہداء کا غم آج بھی عوام کے دلوں میں تازہ ہے۔ دہشت گردوں نے بلوچستان کی زرخیز سرزمین کے پڑھے لکھے اور باشعور طبقے کو بربریت کا نشانہ بنایا۔



کوروناوباء دم توڑگیا، مشترکہ پالیسی پر غورکیاجائے

| وقتِ اشاعت :  


پاکستان میں کورونا وائرس کے حوالے سے جو خدشات ظاہر کئے جارہے تھے حالات ان کے برعکس نکلے اور دنیاکے دیگر ممالک کی نسبت پاکستان میں کورونا سے کم اموات ہونے کے ساتھ ساتھ کیسز بھی کم رپورٹ ہوئے حالانکہ طبی ماہرین کو خدشہ تھا کہ پاکستان میں بڑے پیمانے پرانسانی بحران سامنے آسکتا ہے البتہ اس طرح کے حالات پیدا نہیں ہوئے۔ ماہرین اپنی رائے حالات کے مطابق دیتے ہیں جو مکمل طور پر جائزہ لیتے ہیں کہ وباء کی نوعیت اور اس کی تیزی کی شرح کیا ہے۔بہرحال صورتحال بہتر ہونے سے صحت کے شعبہ پردباؤ کم رہا اوراب کورونا وائرس کنٹرول میں ہے۔



نیب کا احتسابی عمل، سپریم کورٹ کے شبہات، عوام کا اعتماد

| وقتِ اشاعت :  


سپریم کورٹ کی جانب سے قومی احتساب بیورو (نیب) راولپنڈی کے ڈائریکٹر جنرل عرفان منگی کی اہلیت پر شکوک و شبہات کے باوجود انہیں شوگر سبسڈی کی مشترکہ تحقیقاتی ٹیم (جے آئی ٹی) کا سربراہ بنا دیا گیا۔چیئرمین نیب جسٹس (ر) جاوید اقبال کی زیرصدارت نیب ہیڈ کوارٹرز میں اجلاس ہوا جس میں شوگر کمیشن کی رپورٹ کا تفصیلی جائزہ لیا گیا۔نیب اعلامیہ کے مطابق شوگرسبسڈی کی تحقیقات کے لیے مشترکہ تحقیقاتی ٹیم (جے آئی ٹی) تشکیل دینے کا فیصلہ کیا ہے جس میں انویسٹی گیشن افسران، فارنزک ماہرین، فنانشنل ماہرین اور لیگل کونسل شامل ہوں گے۔



یوم استحصال، اقوام متحدہ کا کلیدی کردار

| وقتِ اشاعت :  


مقبوضہ کشمیر میں بھارتی محاصرے کو ایک سال مکمل ہونے پرملک بھر میں احتجاجی مظاہرے، ریلیاں اور تقریبات کا انعقاد کیاگیا، مظفر آباد میں یوم استحصال کشمیر ریلی کا انعقاد کیا گیا جس کی قیادت وزیراعظم عمران خان نے کی۔ریلی میں شرکت کے بعد وزیراعظم عمران خان نے آزادکشمیر اسمبلی کے اجلاس میں شرکت کی۔عمران خان نے کشمیر کی قانون ساز اسمبلی میں اظہارخیال کرتے ہوئے کہا کہ اللہ کشمیریوں کو ایسے دور سے گزار رہا ہے جس کاخاتمہ آزادی پر ہوگا۔ان کا کہنا تھا بھارت بند گلی میں پھنس گیا ہے۔



بلوچستان میں تعلیمی اداروں کامسئلہ، سہولیات پرسوالیہ نشان

| وقتِ اشاعت :  


بلوچستان میں تعلیمی اداروں کی بندش اور آن لائن کلاسز سب سے بڑا مسئلہ بن چکا ہے چونکہ بلوچستان ملک کا وسیع تر صوبہ ہونے کے باوجود سہولیات کے حوالے سے انتہائی پیچھے ہے،خاص کر ٹیکنالوجی کی بات کی جائے تو آدھے سے زیادہ صوبے کے علاقوں میں فون سروس تک میسر نہیں،انٹرنیٹ کاتوسوال ہی پیدا نہیں ہوتا۔ بدقسمتی تو یہ ہے کہ بلوچستان کے اکثر علاقوں میں بجلی کا نظام تک نہیں ہے اور جہاں بجلی فراہم کی جارہی ہے تو وہاں پر بجلی کی فراہمی کادورانیہ انتہائی کم ہے،آئے روز طویل لوڈ شیڈنگ کے خلاف شہری سراپا احتجاج دکھائی دیتے ہیں۔



اپوزیشن کا بکھرا شیرازہ، وزیراعظم کی غیرفکری مسائل پیدانہ کرے

| وقتِ اشاعت :  


وزیر اعظم عمران خان نے کہا ہے کہ اپوزیشن این آر او مانگ رہی ہے جو کسی صورت نہیں دیں گے اور کسی قسم کی بلیک میلنگ میں نہیں آئیں گے۔پارلیمانی پارٹی کے اجلاس سے خطاب کے دوران وزیراعظم عمران خان کا کہنا تھا کہ اپوزیشن سیکیورٹی کونسل اور انسداد دہشت گردی ترمیمی بلزکی منظوری میں ساتھ نہ بھی دیتی تو پارلیمنٹ کے مشترکہ اجلاس میں منظور کروالیتے۔وزیراعظم کا کہنا تھا کہ فنانشل ایکشن ٹاسک فورس سے متعلق قانون سازی پاکستان کیلئے ضروری ہے، ہم ماضی کی خرابیوں کو درست کررہے ہیں۔ان کا کہنا تھا کہ قومی مفاد میں ہونے والی قانون سازی میں اپوزیشن کو حمایت کرنی چاہیے۔



پاکستان میں کوروناوائرس کیسزمیں حیرت انگیز کمی

| وقتِ اشاعت :  


کورونا وائرس کی تباہ کاریوں میں خوشگوارلیکن حیرت انگیز کمی نے ماہرین صحت کو بھی حیران کر دیا ہے۔اس وباء کے پھیلاؤ کے حوالے سے پیشگوئیاں غلط ثابت ہو ئی ہیں جنہوں نے راستہ تبدیل نہ کر نے پر قیامت کے منظر نامے کا نقشہ کھینچا تھامگرپاکستان میں کورونا وائرس کے پھیلاؤ میں حیرت انگیز کمی دیکھنے کوملی،دنیاکے بیشتر ممالک میں سر توڑ کوششوں کے باوجود اس بے قابو وبا پر قابو نہیں پایا جا سکا ہے۔گزشتہ مارچ میں جب کورونا وائرس نے پاکستان میں جڑ پکڑی تو اعلیٰ ماہرین طب و صحت نے،جن کے کہے کو قابل اعتبار سمجھا جاتا ہے۔