بلوچستان عوامی پارٹی کے رہنماء او رسینیٹر سرفراز احمد بگٹی نے نجی ٹی وی سے گفتگو کرتے ہوئے کہا کہ میں سمجھتا ہوں کہ ناراض لوگ وہی ہیں جو ریاست کے آئین کے پابند ہیں جن کا ذکر بلوچستان کے وزیراعلیٰ جام کمال نے کیا ہے جبکہ دوسری جانب یہ لوگ دہشتگرد ہیں انہوں نے کہا کہ بلوچستان کے قوم پرست لیڈران نے ملک میں ایک شوشہ چھوڑا ہے کہ بلوچستان پسماندہ ہے ترقی نہیں ہے اس لیے بغاوت ہو رہی ہے

جبکہ بلوچستان میں ایسے بھی ڈسٹرکٹ ہیں جن کی ترقی دوسرے علاقوں کی طرح ہے مگر وہاں ایک بھی فراری کیمپ نہیں ہے جبکہ کئی علاقوں میں زیادہ فراری کیمپ ہیں تو پاکستان کے لوگوں کو سمجھنا چاہیے کہ اس تحریک کی بلوچستان کے پسماندگی سے کوئی تعلق نہیں ہے انہوں نے کہا کہ میں اس سردار کو بھی ناراض نہیں کہتا جو دبئی میں آسودہ زندگی گزار رہا ہے اور کبھی کبھار اسمبلی سیشن میں شامل ہوتا ہے اور کبھی نہیں جبکہ وہ سردار جنہوں نے ایک مسلح تنظیم بنا کر ہمارے پاکستانیوں کا شہید کیا ہے

انہوں نے کہا کہ میں اس عام بلوچ کو ناراض سمجھتا ہوں جو سردی میں ٹٹرتا ہے اور گرمی میں جھلستا ہے ایک سوال کے جواب میں سرفراز بگٹی نے کہا کہ مسنگ پرسنز ریاست کے خلاف ایک ٹول کے طور پر استعمال ہو رہا ہے اس کے سوا کچھ نہیں ہے جبکہ بلوچستان میں ان پنجابیوں کے قتل پر کیوں بات نہیں ہوتی جو ہزاروں لوگ انہوں نے قتل کیے ہیں۔

انہوں نے ایک سوال کے جواب میں کہا کہ یہ ضروری نہیں کہ عمران خان ہم سے مشاورت کرکے اپنے لیے نمائندہ چنیں اگر شاہ زین بگٹی اس پروسیس کو کامیابی سے آگے نہیں لے جاتا تو وزیراعظم کے پاس دوسرے آپشن موجود ہیں انہوں نے کہا کہ ضروری یہ ہے کہ ہم نے مذاکرات کی بات کی انہوں نے اس کا کیا جواب دیا انہوں نے کہا کہ جب ہم نے مذاکرات کی بات کی تو اللہ نظر نے کہا کہ ہم مذاکرات اس بات پر کریں گے

کہ آپ اپنی فوج بلوچستان سے نکال لیں اور انہیں آزاد بلوچستان دے دیں کیا ہم پاکستان کی سالمیت ان لوگوں کے حوالے کریں جو مرنے مارنے اور پاکستان کو توڑنے کیلئے تیار ہوں انہوں نے کہا کہ پھر بھی ہم ان کے ساتھ بیٹھنے کیلئے تیار ہیں اللہ نظر آئیں ہمارے ساتھ بیٹھیں ہم بات کریں گے مگر کیا اللہ نظر اور حیربیار اس موومنٹ کو ختم کرنے کو تیار ہیں

اس وقت صرف بی ایل اے میں تین دھڑے ہیں اس کی قد و قال پر گفتگو ہونی چاہیے مگر اس پر ایک جامع پالیسی کی ضرورت ہے سینیٹر سرفراز بگٹی نے کہا کہ جب ریاستی سطح کا کوئی فیصلہ ہو تو اس میں سب کو ساتھ لیا جاتا ہے جبکہ ایک ترجمان مقرر کیا جاتا ہے۔ ہم چاہتے ہیں کہ اس پروسیس میں تما م لوگوں کو ساتھ لیا جائے اور اسے صرف باتوں کی حد تک نہ رکھیں بلکہ اسے عملی جامعہ پہنایا جائے کیونکہ ایک پرامن اورخوشحال بلوچستان سب سے زیادہ اہم ہے۔