اقوام متحدہ کی کاؤنٹر فنانسنگ ٹیررازم رپورٹ میں کہا گیا ہے کہ افغان طالبان رجیم نے افغانستان کی معیشت کو تباہ کردیا۔

رپورٹ کے مطابق انسانی حقوق کے بغیر افغان طالبان رجیم کی کوئی مالی و قانونی حیثیت نہیں، 2025 کے اوائل میں افغانستان کی جی ڈی پی میں 6.5 فیصد کمی ریکارڈ ہوئی۔

یو این کی رپورٹ میں کہا گیا کہ افغان معیشت کی تباہی کے باعث بیروز گاری 75 فیصد تک پہنچ گئی، معاشی تباہی کے باعث 3 کروڑ سے زائد افراد شدید غربت کا شکار ہیں۔

اقوام متحدہ کی جانب سے کہا گیا کہ افغانستان کئی برس سے عالمی بینکاری نظام سے باہر ہے۔

رپورٹ میں یہ بھی کہا گیا کہ ٹی ٹی پی اور داعش خراسان افغان سرزمین سے دہشت گرد کارروائیوں میں مصروف ہیں۔