وزیر اعظم شہباز شریف نے  اقلیتی برادری کو یقین دہانی کرواتے ہوئے کہا کہ کسی اقلیتی شہری کے ساتھ ناانصافی یا زیادتی ہوئی تو قانون پوری قوت سے حرکت میں آئے گا۔

اسلام آباد میں کرسمس کی تقریب سے خطاب میں وزیر اعظم نے اقلیتوں کے حقوق کے تحفظ کے عزم کا اعادہ کیا اور کرسمس کا کیک بھی کاٹا۔

انہوں نے کہا کہ قائد اعظم کے فرمودات کے مطابق پاکستان میں ہندوؤں، عیسائیوں اور سکھوں سمیت تمام اقلیتوں کو مذہبی آزادی حاصل ہے ۔

شہباز شریف نے اقلیتی برادری کو یقین دہانی کرواتے ہوئے کہا کہ کسی اقلیتی شہری کے ساتھ ناانصافی یا زیادتی ہوئی تو قانون پوری قوت سے حرکت میں آئے گا۔

وزیراعظم نے مزید کہا کہ ملک ہم سب کا سانجھا ہے، یہاں سب کے حقوق برابر ہیں، اقلیتوں کے ساتھ کسی قسم کی زیادتی نہیں ہونے دیں گے۔

ان کا کہنا تھا کہ مئی میں جب افواج پاکستان نے فیلڈ مارشل کی قیادت میں دشمن کے چھکے چھڑا ئے اور بھارت کے 7 جہاز گرائے تو قوم کو ایئر کموڈورسیسل چوہدری یاد آئے۔