اسلام آباد: وفاقی دارالحکومت کے ریڈ زون میں حکومتی پالیسیوں کے خلاف احتجاج کرنے والے کسانوں پرپولیس کی شیلنگ کے بعد ڈی چوک میدان جنگ کا منظر پیش کرنے لگا۔

کوئٹہ: پاکستان پیپلز پارٹی بلوچستان کے رہنماؤں نے کہا ہے کہ قوم پرستوں نے کرپشن ، بدعنوانی اورامن و امان کی خراب صورتحال کے سوا عوام کو کچھ نہیں دیا چار سال کے دوران کوئٹہ شہر کو کھنڈرات میں تبدیل کردیا گیا ہے ۔

اسلام آباد: مالی سال 17-2016 کی اقتصادی جائزہ رپورٹ وفاقی وزیر خزانہ اسحٰق ڈار نے جاری کردی جس کے مطابق رواں مالی سال کے دوران پاکستان کی مجموعی قومی پیداوار کی شرح نمو 5.28 فیصد رہی۔

کوئٹہ: کوئٹہ میں نامعلوم افراد نے خاتون سمیت دو چینی باشندوں کو اسلحہ کے زور پر اغواء کرلیا۔ ایک اور چینی خاتون کو شہری نے ملزمان کی فائرنگ سے زخمی ہونے کے باوجود مزاحمت کرکے بچالیا۔ پولیس نے جائے وقوعہ سے شواہد اور سی سی ٹی وی فوٹیج حاصل کرکے تحقیقات شروع کردیں۔

کوئٹہ: بلوچستان میں اربوں روپے کی کرپشن کا نیا کیس سامنے آگیا۔سبی،نصیرآباد،جعفرآباد اور خاران میں تین ارب روپے سے زائد کی بے ضابطگیوں کا انکشاف ہوا ہے۔ اخراجات اور بلز کا ریکارڈ چوری یا غائب کرلیاگیا۔

برطانیہ کے شہر مانچسٹر میں واقع برٹش ایرینا میں ہونے والے خودکش دھماکے میں 22 افراد ہلاک جبکہ 59 زخمی ہوگئے۔

تربت: ڈیلٹا سینٹر تربت کا بند ہوجانا مکران میں علم کے چشموں کے خشک ہوجانے کے مترادف ہے، ڈیلٹا سینٹر تربت نے مختصر عرصے میں مکران میں بہترین تعلیم اور علمی ماحول فراہم کرنے میں ہر اول دستے کا کرداراداکیا ہے، ان خیالات کا اظہار مکران کے عوامی حلقوں کی جانب سے کیاگیاہے۔

کوئٹہ: لوچستان کے گزٹڈآفیسران سمیت45ہزار سرکاری ملازمین اور پنشنرز کے شناختی کارڈبھوگس ہونے کا انکشاف ہوا ہے۔ صوبائی حکومت کی جانب سے نادرا کی مدد سے کرائی گئی ویری فیکشن میں 18 سال سے کم عمر 41بچے بھی سرکاری ملازمین نکلے۔ غیرملکیوں ہونے کے شبے میں بلاک ہونیوالے شناختی کارڈ کے حامل 1620 افراد بھی سرکاری ملازمتوں پر براجمان ہیں۔

پشاور: وفاقی وزیر داخلہ چوہدری نثار علی خان کا کہنا ہے کہ کلبھوشن یادیو دہشتگردی کا ارتکاب کرتے ہوئے پاکستان سے گرفتار ہوا اور اسے ملک کے قانون اور آئین کے مطابق ہی منطقی انجام تک پہنچایا جائے گا۔

کوئٹہ: پاکستان تحریک انصاف کے سربراہ عمران خان نے کہا ہے کہ نواز شریف کی جندال سے ملاقات کے بعد عالمی عدالت انصاف کا وہ فیصلہ آیا جس سے بھارت میں خوشیاں منائیں گئیں۔ پاکستان میں کمپنیوں کی حکومت ہے۔