خضدار ( نامہ نگار ) خضدار کے قریب ٹریفک کا المناک حادثہ میاں بیوی اور بیٹے سمیت 4افراد جاں بحق اور تین بچے زخمی واقعہ کار گاڑی اور موٹر سائیکل میں تصادم کے باعث پیش آیا تفصیلا ت کے مطابق خضدار کی تحصیل وڈھ کے قریب منگچر سے کراچی جانے والی کار گاڑی بیک وقت موٹر سائیکل اور سامنے سے آنے والی ٹرک سے ٹکرا گئی جس نتیجے میں منگچر سے تعلق رکھنے والے حاجی محمد اعظم نیچاری ان کی بیوی مسماۃ (ز) بی بی بیٹا عبدالغفور نیچاری سمیت وڈھ کے رہائشی موٹر سائیکل سوار محمد امین خدرانی جاں بحق ہوگئے جبکہ حاجی محمد اعظم نیچاری کے تین بچے اعجاز احمد مہتاب اور مہدم شدید زخمی ہوگئے زخمی اور جاں بحق افراد کووڈھ ہسپتال پہنچایا گیا اور ضروری کارروائی کے بعد زخمی بچوں کو کوئٹہ جبکہ جاں بحق افراد کو منگچر روانہ کردیا گیا ۔
