کوئٹہ(اسٹاف رپورٹر)ضلع کیچ میں فائرنگ کے مختلف واقعات میں تین افراد ہلاک ہوگئے۔ سیکورٹی ذرائع کے مطابق ضلع کیچ کے علاقے شاپک میں گٹے کور کے مقام پر نامعلوم مسلح افراد نے منشیات فروشوں کی گاڑیوں پر حملہ کردیا اور اندھا دھند فائرنگ کی جس کے نتیجے میں دو افراد ہلاک اور ایک زخمی ہوگیا۔ ہلاک ہونے والوں میں دوست محمد ولد داد محمد اورمحمد حسین ولد خان محمد جبکہ زخمی ہونے والے کی شناخت ناصر ولد فقیر محمد کے نام سے ہوئی ہے ۔ تینوں افراد کا تعلق بلیدہ سے بتایا جاتا ہے ۔ادھر ضلع کیچ کے علاقے گوکدان میں نامعلوم افراد نے فائرنگ کرکے گاجیان ولد سبزل کو ہلاک کردیا ۔
