لندن (اسپورٹس ڈیسک) آئندہ ماہ برازیل میں شیڈول فیفا ورلڈ کپ فٹ بال ٹورنامنٹ کیلئے انگلش ٹیم کا اعلان (آج) پیر کو کیا جائے گا۔ انگلینڈ ٹیم کے مینجر رائے ہوگسن ابتدائی 23 رکنی سکواڈ اور سات سٹینڈ بائی کھلاڑیوں کے ناموں کا اعلان کریں گے جبکہ حتمی سکواڈ کا اعلان 2 جون کو کیا جائے گا۔جبکہ کھلاڑیوں کے ناموں کیلئے انگلینڈ کوچ کو بڑی مشکل کا سامنا کرنا پڑااور ذرائع کا یہ کہنا ہے کہ انگلینڈ کے کوچ رائے ہوگسن سکواڈ سے ایشلی کول مائیکل کریک کو ڈرا پ کرنے کا عندیہ دیا جارہا ہے ۔ انگلش فٹ بالر ویان رونی اور فل جونز ان فٹ ہیں تاہم ٹیم مینجر رائے ہوگسن کے مطابق دونوں کھلاڑی میگا ایونٹ سے قبل مکمل طور پر فٹ ہو جائیں گے اس لئے دونوں کھلاڑیوں کو سکواڈ میں شامل کئے جانے کا امکان ہے۔ انگلینڈ کی ٹیم میگا ایونٹ سے قبل 30 مئی کو پیرو، 4 جون کو ہونڈراس اور 7 جون کو ایکوا ڈور کے خلاف فرینڈلی میچز کھیلے گی۔ انگلینڈ کی ٹیم کو میگا ایونٹ میں گروپ ڈی میں اٹلی، یورو گوئے، کوسٹا ریکا کے ساتھ رکھا گیا ہے اور وہ 14 جون کو اٹلی کے خلاف میچ سے مہم کا آغاز کرے گی۔
