مانچسٹر (اسپورٹس ڈیسک ) لیجنڈ رائن گگز نے مانچسٹر یونائیڈ کے 23سالہ کیرئیر کو اختتام کرتے ہوئے ریٹائر منٹ کا اعلان کردیا واضح رہے گگز گزشتہ سیزن میں چار میچز کیلئے مانچسٹر یونائیٹڈ کے نگران منیجر کے فرائض بھی انجام دے چکے ہیں۔ فرگیوسن کے کلاس 92کی جان کہلانے والے گگز نے اپنے 23سالہ کیرئیر میں 963میچز کھیلے ۔ جس میں ان کے کلب کے ساتھ 34ٹائٹل شامل ہیں۔ رائن گگز نے اپنے ملک ویلتھ کیلئے 64میچز میں نمائندگی کی۔ ریٹائرمنٹ کے بعد گگز کا کہنا تھا کہ یہ فیصلہ کرنے میرے لیے آسان نہیں تھا کسی کلب کے لئے 23سال کھیلنا اور ریٹائر ہوجانا میرے لیے بڑی بات ہے اور میں اپنے آپ کو خوش قسمت سمجھتا ہوں کہ میں مانچسٹر یونائیٹڈ کا حصہ رہا اور اب اسسٹنٹ منیجر کے عہدے میں مقرر ہونے کے بعد اپنے کوچنگ کیرئیر کا آغاز کروں گا۔
