سڈنی (اے پی پی) 2014ء فیفا ورلڈ کپ کیلئے مڈ فیلڈر مائل جیڈنک کو آسٹریلیا کی فٹ بال ٹیم کا کپتان مقرر کر دیا گیا۔ فٹ بال کا عالمی کپ 14 جون سے برازیل میں شروع ہوگا۔ میگا ایونٹ میں آسٹریلوی ٹیم کو گروپ بی میں دفاعی چیمپئن سپین، ہالینڈ اور چلی کے چیلنج کا سامنا ہوگا۔ آسٹریلیا نے گزشتہ روز مائل جیڈنک کو آسٹریلیا کا نیا کپتان مقرر کر دیا ہے۔ کوچ اینجی پوسٹیکوگلو کا کہنا ہے کہ مائل جیڈنک باصلاحیت اور ذہنی طور پر مضبوط کھلاڑی ہیں، بلاشبہ وہ ٹیم کی قیادت بہترین انداز میں کریں گے۔
