برازیلیہ(اسپورٹس ڈیسک) فیفا ورلڈ کپ وارم اپ میچز کا سلسلہ جاری ہے جس میں گزشتہ روز چھ میچز کھیلے گئے اسرائیل نے ہونڈرس کو، امریکہ نے ترکی کو، بلجیم نے سویڈان کو شکست دیدی جبکہ سربیا اور پنامہ ، فرانس اور پیراگوائے کا میچ ایک ایک گول سے برابر جبکہ جرمنی کیمرون کا میچ دو دو گول سے برابر رہا۔ تفصیلات کے مطابق اسرائیل نے ہونڈراس کو انتہائی سخت مقابلے کے بعد 4-2 سے شکست دے دی۔ فاتح ٹیم کی طرف سے عمدہ کھیل کا مظاہرہ کرتے ہوئے ذاہاوی، فیگیوروا، داماری اور ورموتھ نے ایک ایک گول سکور کرکے اپنی ٹیم کی فتح میں اہم کردار ادا کیا۔ ہوسٹن میں کھیلے گئے وارم اپ میچ میں اسرائیل کی فٹ بال ٹیم نے انتہائی شاندار کھیل پیش کیا اور ہونڈراس کی ٹیم کو سخت مقابلے کے بعد 4-2 سے مات دے دی۔ فاتح ٹیم کی طرف سے ذاہاوی، فیگیوروا، داماری اور ورموتھ نے ایک ایک گول سکور کرکے اپنی ٹیم کی فتح میں اہم کردار ادا کیا۔ ہونڈراس کی طرف سے اسپینوزا اور کوسٹلے نے ایک ایک گول کیا۔ جرمنی اور کیمرون کا مقابلہ دو دو گول سے برابر رہا۔ مؤنشن گلاڈ باخ میں کھیلے گئے اس میچ میں جرمن قومی ٹیم کے کپتان فلپ لاہم اور گول کیپر مینول نائیر شریک نہیں ہوئے۔ جرمن قومی فٹ بال ٹیم ورلڈ کپ سے پہلے چھ جون کو مائینز میں آرمینیا کے ساتھ اپنا آخری ورام اپ میچ کھیلے گی، جس کے بعد وہ برازیل روانہ ہو جائے گی۔ عالمی فٹ بال کپ بارہ جون سے شروع ہو گا۔ایک اور کھیلے گئے میچ میں امریکہ نے ترکی کو 2-1سے شکست دیدی امریکہ کی جانب سے جونس اور ڈیمسے نے ایک ایک گول اسکور کیے جبکہ ترکی کی طرف سے واحد گول اینان نے پینلٹی ککس کے ذریعے کیا۔ ورلڈ کپ سے قبل بلجیم کی شاندار کارکردگی جاری اپنے دوسرے وارم اپ میچ میں سویڈان کو 2-0سے شکست دیدی فتح ٹیم کی جانب سے لوکاکو اور ایذارڈ نے ایک ایک گول اسکور کیے ۔ وارم اپ میچ کے سلسلے میں ایک اور کھیلے گئے میچ میں پنامہ اور سربیا کے درمیان ایک ایک گول سے برابر رہا۔ سربیا کی جانب سے ایوانووچ نے اور پنامہ کی جانب سے ڈومیز سے گول اسکور کیا۔ عالمی کپ کے وارم اپ میچ میں آخری کھیلے گئے میچ میں فرانس اور پیرگوائے کا مقابلہ 1-1گول سے برابر رہا فرانس کی جانب سے گریزمین نے ایک گول اسکور کیا پیرگوائے کی طرف سے کیثاثر نے گول اسکور کیا۔
