کراچی: بلدیہ ٹاؤن کے علاقے یوسف گوٹھ میں حب ریور روڈ پر پاک فضائیہ کا مشاق طیارہ بس ٹرمینل پر گر کر تباہ ہو نے سے پائلٹ سمیت 3افراد جاں بحق جب کہ 4 افراد زخمی ہو گئے۔
بلدیہ ٹاؤن کے علاقے یوسف گوٹھ میں حب ریورروڈ پر پاک فضائیہ کا تربیتی طیارہ بس ٹرمینل کے قریب گر کر تباہ ہو گیا جس کے نتیجے میں پائلٹ سمیت 3 افراد جاں بحق جب کہ 4 افراد زخمی ہو گئے۔ حادثے کے بعد بس ٹرمینل میں زور دار دھماکے کے بعد آگ لگ گئی جس نے 4 بسوں کو بھی اپنی لپیٹ میں لے لیا۔ ایس پی بلدیہ ٹاؤن کا کہنا ہے کہ سیکیورٹی اہلکاروں نے حادثے کے بعد قریبی آبادی کو خالی کرا لیا ہے جب کہ حب ریور روڈ کو ہر قسم کی ٹریفک کے لئے بند کر کے امدادی کارروائیاں جاری ہیں۔
ابتدائی طور پر طیارے کے حادثے کی وجوہات معلوم نہیں ہو سکیں ہیں تاہم پاک فضائیہ کے ماہرین نے تحقیقات کا آغاز کر دیا ہے۔ دوسری جانب پاک فضائیہ کی جانب سے طیارے کے حادثے میں پائلٹ یا کسی اور فرد کے جاں بحق ہونے کی تاحال تصدیق نہیں کی گئی ہے۔
