برازیلیا(اسپورٹس ڈیسک) کسی دانشور نے کیا خوب کہا ہے کہ ہر کامیاب مرد کے پیچھے ایک عورت کا ہاتھ ہوتا ہے ۔ اسپین کے خلاف ہالینڈ کی ٹیم کے ساتھ کچھ ایسے ہی ہوا عالمی کپ سے قبل ڈچ ٹیم کو اپنے گرل فرینڈز اور بیویوں سے ملنے پر پابندی عائد کی تھی لیکن میچ سے ایک دن قبل ہالینڈ کے کوچ نے عالمی کپ کے سکواڈ میں شامل تمام کھلاڑیوں کو یہ اجازت دی کہ وہ اسپین کے خلاف میچ سے قبل وہ اپنے بیویوں اور گرل فرینڈز سے مل سکتے ہیں جس کے بعد اسپین کے خلاف میچ کے دوران ٹیم کا مورال بلند تھا اور وہ اپنے کوچ کے اس اقدام سے بہت خوش تھے۔پریس کانفرنس کے دوران ہالینڈ کے کوچ وین گال نے کہا کہ جیت کا سہرا کھلاڑیوں اپنے اہلخانہ سے ملنے کو نہیں دوں گا بلکہ سب کھلاڑیوں نے انتھک محنت کی اور ہم اسپین کو ہرانے میں کامیاب رہے واضح رہے گزشتہ شب کھیلے گئے میچ میں ہالینڈ نے عالمی چیمپئن اسپین کو 5-1سے ہرایا تھا۔
