سجاول: کھیتوں میں پاک بحریہ کا ڈرون طیارہ گر کر تباہ ہو گیا تاہم کوئی جانی نقصان نہیں ہوا۔
پولیس حکام کا کہنا ہے کہ پاک بحریہ کا ڈرون طیارہ سجاول کے قریب کھیتوں میں گر کر تباہ ہو گیا جس کے باعث کوئی نقصان نہیں ہوا۔ پاک بحریہ کی جانب سے طیارے کے تباہ ہونے کے حوالے سے کسی قسم کا بیان سامنے نہیں آیا ہے۔
واضح رہے کہ 2 روز قبل سرگودھا کے نواحی علاقے چک 96 میں پاک فضائیہ کا ڈرون طیارہ گر کر تباہ ہو گیا تھا۔
