سوات : وادی سوات کے علاقے مٹہ میں نامعلوم افراد کی فائرنگ سے دوسیکیورٹی اہلکار زخمی ہوگئے۔
رپورٹ کے مطابق سوات میں مٹہ کے علاقے نظر آباد میں دو سیکیورٹی اہلکار علاقے میں پیدل گشت کررہے تھے کہ نامعلوم افراد نے ان پر فائرنگ کردی ۔
فائرنگ کے نتیجے میں دونوں اہلکار زخمی ہوگئے، جنھیں فوری طور پر مٹہ اسپتال منتقل کردیا گیا۔
واقعے کے بعد سیکیورٹی فورسز اور پولیس کی بھاری نفری نے موقع پر پہنچ کر نظر آباد اور مٹہ بازار میں کرفیو نافذ کرکے ملزمان کے خلاف سرچ آپریشن شروع کردیا ہے۔
