چمن: کوئٹہ چمن شاہراہ سید حمیدکراس کے قریب تیزرفتاری کے باعث دوگاڑیوں میں تصادم 6افرادہلاک 4زخمی ہوگئے ہلاک شدگان ضلع پشین چربادیزئی کے رہائشی تھے تفصیلات کے مطابق اتوار کے دوپہر کوئٹہ چمن شاہراہ سید حمید کراس پوپلزئی پل کے قریب تیزرفتاری کے باعث ٹوڈی گاڑی اوربائی پورگاڑی میں خوفناک تصادم ہوا دونوں گاڑیوں کی ٹکر سے 5افراد موقع پر ہلاک ہوگئے جبکہ بعد میں ایک شدیدزخمی مئی زئی اڈہ کے ہسپتال میں زخموں کی تاب نہ لاتے ہوئے چل بسا ہلاک شدگان میں عبدالرحمن ولد نائب ،حیدرخان ولد محمدعیسیٰ ،سرورخان ولد محمدعیسیٰ ،صدوخان ولد محمدصدیق ،عصمت اللہ ولد محمدصدیق ،ناصر ولد عثمان غنی شامل تھے لیویز زرائع نے بتایا کہ ہلاک شدگان ضلع پشین تحصیل حرمزئی کے علاقے چربادیزئی کے رہائشی تھے جو سب ٹوڈی گاڑی میں سوار ہوکر کوئٹہ کی طرف جارہے تھے جبکہ بائی پورگاڑی میں 4 افرادزخمی ہوگئے ہلاک شدگان میں محمد عیسیٰ اورمحمد صدیق کے دودو بیٹے شامل تھے ۔
