کوئٹہ(اسٹاف رپورٹر)بلوچستان کے ضلع قلات میں نامعلوم افراد نے دولہے کو چار باراتیوں کے ہمراہ اغواء کرلیا۔ اطلاعات کے مطابق لیاقت علی اپنے رشتہ داروں کے ہمراہ بارات لے کر خضدار کے علاقے وڈھ سے سوراب کے علاقے گدر آرہے تھے ۔ راستے میں سوراب کے علاقے کلی ہنکان جیوا میں صرف گاڑی میں سوار پانچ نقاب پوش مسلح افراد نے بارات میں شامل ویگن کو اسلحہ کے زور پر روک لیا اوراس میں سوار ،لیاقت علی کھیازئی ، یار محمد،محمد حسین،منیر احمداور محمد ابراہیم مینگل کو اغواء کرلیا اور فرار ہوگئے۔ اغواء کی اس واردات کی وجہ معلوم نہیں ہوسکی ہے۔ مزید کارروائی متعلقہ انتظامیہ کررہی ہے۔
