زیارت: کلی سسن منہ میں پاک فوج کا تربیتی مشاق طیارہ گر کر تباہ ہونے سے 2 پائلٹ زخمی ہو گئے۔
سیکیورٹی ذرائع کا کہنا ہے کہ زیارت کے قریب کلی سسن منہ میں پاک فوج کا تربیتی طیارہ دوران پرواز گر کر تباہ ہو گیا جس کے نتیجے میں کپیٹن عمر اور کیپٹن حسنین محمود زخمی ہو گئے۔ امدادی ٹیموں کے اہلکاروں نے حادثے میں زخمی ہونے والے اہلکاروں کو فوری طور پر قریبی اسپتال منتقل کیا جہاں انھیں طبی امداد دی جا رہی ہے۔
سیکیورٹی ذرائع کا کہنا ہے کہ طیارہ فنی خرابی کے باعث گر کر تباہ ہوا تاہم واقعے کی مکمل تحقیقات کے بعد ہی حادثے کی وجاہات کا پتہ چل سکے گا۔
