کراچی: شہر کے مختلف علاقوں میں رینجرز نے کارروائی کر کے گینگ وار ملزمان سمیت 6 افراد کو حراست میں لے کر ان کے قبضے سے اسلحہ بھی برآمد کر لیا۔ رینجرز نے گارڈن میں پولیس ہیڈ کوارٹر کے قریب چھاپہ مار کر سیاسی جماعت کے 2 کارکنوں کو حراست میں لے لیا، دونوں کو تفتیش کے لئے نامعلوم مقام پر منتقل کردیا گیا ہے۔ دوسری جانب رینجرز نے لیاری میں بھی چھاپہ مار کر گینگ وار کے 4 ملزمان کو گرفتار کر کے ان کے قبضے سے اسلحہ برآمد کر لیا۔