راولپنڈی: شمالی وزیرستان میں پاک فوج کے گن شپ ہیلی کاپٹروں نے کارروائی کرتے ہوئے 12 دہشت گرد ہلاک کردیئے۔ آئی ایس پی آر کے مطابق شمالی وزیرستان میں جاری آپریشن ضرب عضب کے دوران گن شپ ہیلی کاپٹرز نے دتہ خیل میں کارروائی کر کے 12 دہشت گرد ہلاک کردیئے۔ کارروائی میں دہشت گردوں کے زیر استعمال 7 گاڑیاں اور4 ٹھکانے بھی تباہ ہوئے ہیں۔ واضح رہے کہ شمالی وزیرستان میں گزشتہ برس سے دہشتگردوں کے خلاف جاری آپریشن ضرب عضب کے دوران اب تک 2 ہزار سے زائد دہشت گردوں کو ہلاک کیا جاچکا ہے۔