صحبت پور(خادم حسین گولہ ) پولیس تھانہ صحبت پورکی حدود میں زور دار دھماکہ6انچ قطر گیس پائپ لائن تباہ صحبت پور سمیت درجنوں دیہاتوں کو گیس کی سپلائی بند ۔ تفصیلات کے مطابق گزشتہ رات نامعلوم ملزمان نے رات کی تاریکی میں ڈیرہ اللہ یار سے صحبت پور آنے والی 6انچ قطر گیس پائپ لائن کو دھماکہ سے تباہ کردیا ۔ جس سے صحبت پور سٹی سمیت درجنوں دیہاتوں میں گیس کی سپلائی بند ہوگئی ۔گیس کے حکام نے فوری طور پر تباہ شدہ گیس پائپ لائن کا کام مکمل کرکے گیس کی سپلائی کو بحال کر دیا ۔دھماکہ سے علاقے میں خوف پھیل گیا ہے۔پولیس نے مقدمہ درج کرکے نامعلوم ملزمان کی تلاش شروع کردی ہے۔