گوادر: ایف سی کے قافلے پر شرپسندوں کے حملے میں 3 اہلکار شہید اور 5 زخمی ہوگئے۔ سیکیورٹی ذرائع کے مطابق شرپسندوں نے گوادر کے علاقے سنسر میں ایف سی کے قافلے پر حملہ کردیا جس کے نتیجے میں 3 اہلکار شہید اور 5 زخمی ہوئے، حملے کے بعد سیکیورٹی فورسز نے علاقے کا محاصرہ کرکے حملہ آوروں کی گرفتاری کے لئے سرچ آپریشن شروع کردیا جبکہ ریسکیو ٹیموں نے لاشوں اور زخمی اہلکاروں کو اسپتال منتقل کردیا جہاں زخمیوں کو طِبی امداد فراہم کی جارہی ہے۔