کوئٹہ: کے علاقے کیچی بیگ میں تندور پربیٹھے افراد پر نامعلوم موٹر سائیکل سواروں نے تیزاب پھینک دیا جس کے نتیجے میں پولیس اہلکار سمیت تین افراد زخمی ہوگئے ۔ پولیس کے مطابق واقعہ کیچی بیگ کے علاقے کلی غلام جان میں پیش آیا جہاں تندور پر بیٹھے افراد پر ایک موٹر سائیکل پر سوار دو نامعلوم افراد نے تیزاب پھینک دیا اور ہوائی فائرنگ کرتے ہوئے فرار ہوگئے۔ راستے میں موٹر سائیکل کا چین ٹوٹ گیا جس پر ملزمان موٹر سائیکل چھوڑ کر فرار ہوگئے۔ زخمیوں میں امجد علی ولد میر احمد شاہوانی سکنہ کلی غلام جان کیچی بیگ کو چہرے پر زخم آئے ہیں جبکہ پولیس اہلکار بیلٹ نمبر5066 امجد خان ابابکی سکنہ کلی سردہ اور محمد حفیظ ولد عبداللہ ہاشمی بلوچ سکنہ کلی غلام جان کو دائیں بازو پر زخم آئے ہیں۔
