گوادر: گوادر میں انتہائی زور دار دھماکے کی آواز سے زمین لرز اٹھا ۔تفصیلات کے مطابق جمعہ کے روز تقریباً 4اور 5بجے کے درمیان ایک زور دار دھماکے کی آواز سنی گئی جس سے گوادر شہر اور گرد ونواح کے تمام علاقے لرز اٹھے جس کے بعد پولیس اوردیگر سیکورٹی اداروں نے علاقوں کا محاصرہ کیا تاہم کہیں بھی دھماکے کا زمینی سراغ نہیں ملا پولیس ذرائع کے مطابق یہ دھماکہ بین الاقوامی فضائی روٹ پر کسی جہاز میں ہوا ہے۔ واضح رہے کہ دھماکے کی آواز ضلع گوادر کے تمام شہری اور دیہی علاقوں میں سنی گئی ۔
