کوئٹہ : ایف سی کی کارروائی کالعدم تنظیم کے رکن سمیت چار ملزمان گرفتار

|

وقتِ اشاعت :   April 29 – 2015

کوئٹہ کے علاقے سریاب روڈ پر ایف سی نے کارروائی کے دوران کالعدم تنظیم کے مطلوب رکن سمیت چار ملزمان کو گرفتار کرلیا۔ ایف سی ترجمان کے مطابق سریاب روڈ کے علاقے گاہی خان چوک پر کارروائی خفیہ اطلاع ملنے پر کی گئی جس کے دوران چار ملزمان کو گرفتار کیا گیا۔ ترجمان کے مطابق گرفتار افراد میں کالعدم بلوچ لبریشن آرمی کا مطلوب ملزم اور اس کے تین ساتھی شامل ہیں ۔ تاہم ایف سی کی جانب سے گرفتار افراد کی شناخت ظاہر نہیں کی گئی۔