کوئٹہ: بلوچستان کے ضلع قلات میں ٹریفک حادثے میں ایف سی کے دو جوان جاں بحق اور تین زخمی ہوگئے۔ ایف سی ذرائع کے مطابق حادثہ ضلع قلات کی تحصیل منگچر میں کوئٹہ کراچی شاہراہ پر سورو کے مقام پر پیش آیا جہاں خضدار سے کوئٹہ جانے والے ایف سی کے قافلے میں شامل ایک گاڑی تیز رفتاری کی وجہ سے ڈرائیور سے بے قابو ہوکر الٹ گئی۔ حادثے میں ایف سی کے ایک آفیسر سمیت پانچ اہلکار زخمی ہوگئے ۔ تین زخمیوں سپاہی سپاہی سخی مرجان ، لانس نائیک عارف اور سپاہی ندیم کو کمبائنڈ ملٹری اسپتال سی ایم ایچ منتقل کیا گیا جہاں سپاہی سخی مرجان اور لانس نائیک عارف زخموں کی تاب نہ لاتے ہوئے دم توڑ گئے۔ تیسرے زخمی کی حالت بھی تشویشناک بتائی جاتی ہے۔
