کوئٹہ: مستونگ ،ڈیرہ بگٹی ،پنجگور سے طالب علم سمیت تین افراد کو اغواء کرلیا گیا۔ تفصیلات کے مطابق مستونگ کے علاقے کلی شیخان مڈل اسکول کے قریب نامعلوم اغواء کاروں نے چھٹی کلاس کے طالب علم ظہور احمد ولد محمد اسلم بنگلزئی کو اس وقت اغواء کرلیا جب وہ اسکول جارہا تھا۔ اغواء کاروں کی تعداد تین سے چار تھی جو واردات کے بعد سفید گاڑی میں فرار ہوگئے۔دریں اثناء پنجگور کے علاقے سردو سے امان اللہ ولد عباس سکنہ چتکان کو نامعلوم افراد نے اغواء کرلیا اور فرار ہوگئے۔ ملزمان سفید سرف گاڑی میں سوار تھے ۔ادھر ڈیرہ بگٹی سے پینتالیس کلو میٹر دور حیدری نالہ سے کالعدم تنظیم کے ارکان نے ولی محمد ولد سوراب نوتانی بگٹی کو اغواء کرلیا اور فرار ہوگئے۔
