کوئٹہ: کوئٹہ میں ٹارگٹ کلنگ کے حالیہ واقعات میں ملوث کالعدم تنظیم کے تین ٹارگٹ کلروں کو گرفتار کرلیا گیا۔ سیکورٹی ذرائع کے مطابق کارروائی کوئٹہ کے علاقے سریاب میں حساس ادارے نے کی۔ خفیہ اطلاع پر کی گئی کارروائی میں کالعدم تنظیم کے تین ملزمان کو گرفتار کیا گیا۔ سیکورٹی ذرائع کا کہنا ہے کہ گرفتار افراد حالیہ دنوں میں کوئٹہ میں مقیم غیر مقامی افراداور آباد کاروں کی ٹارگٹ کلنگ میں ملوث تھے اور ان سے واردات میں استعمال ہونے والی پستول بھی برآمد کی گئی ہے۔ تینوں افراد کو تفتیش کیلئے نامعلوم مقا م پر منتقل کردیا گیا ہے۔
