کوئٹہ: خضدار کی تحصیل نال میں نامعلوم افراد کی فائرنگ سے دو افراد جاں بحق ہوگئے۔ لیویز کے مطابق واقعہ ہفتہ اور اتوار کی درمیانی شب ضلع خضدار کی تحصیل نال کے علاقے گریشہ میں پیش آیا جہاں نامعلوم افراد نے گھر کے باہر بیٹھے دو افرادکو قتل کردیا اور فرار ہوگئے۔ قتل کی وجہ معلوم نہ ہوسکی ۔ مقتولین کی شناخت شے محمد ولد رحمت اورخان محمد ولد ساجی اقوام ساجدی کے نام سے ہوئی ہے۔ واقعہ کی اطلاع ملتے ہی لیویز اہلکار موقع پر پہنچ گئے ۔مقتولین کی لاشوں کو قبضے میں لے کر ضروری کارروائی کے بعد ورثاء کے حوالے کر دیا۔