کوئٹہ: بلوچستان کے علاقے تربت میں نامعلوم افراد کی فائرنگ سے مزدور جاں بحق ہوگیا ۔ لیویز اور پولیس نے مشترکہ کارروائی میں واقعہ میں تین ملزمان کو گرفتار کرلیا۔ پولیس کے مطابق تربت میں گزشتہ شب نامعلوم افراد نے فائرنگ کرکے ایک مزدور پتہ خان ولد کریم بخش کو فائرنگ کرکے قتل کردیا تھا۔ واقعہ کے بعد لیویز اور پولیس نے مشترکہ کارروائی میں تین ملزمان شیر زمان ولد محمد مراد ،مینٹا خان ولد اللہ رکھا سکنہ سبی حال تربت اورعلی گل ولد علی مراد کو گرفتار کرلیا۔ ترجمان پولیس کے مطابق ملزمان نے اعتراف جرم بھی کرلیا ہے۔
