کوئٹہ: بلوچستان کے ضلع گوادر میں کوسٹ گارڈ کی چیک پوسٹ پر راکٹ حملہ کیا گیا تاہم کوئی جانی نقصان نہیں ہوا۔ سیکورٹی ذرائع کے مطابق گوادر کے علاقے اورماڑہ سے پینتیس کلو میٹر دور پاکستان کوسٹ گارڈ کی ملیجی چیک پوسٹ پر نامعلوم افراد نے راکٹ گولہ داغا جو چیک پوسٹ کے قریب گر کر دھماکے سے پھٹ گیا تاہم کوئی جانی نقصان نہیں ہوا۔ واقعہ کے بعد کوسٹ گارڈ کی کوئیک رسپانس فورس موقع پر پہنچی اور علاقے کو گھیرے میں لیکر ملزمان کی تلاش شروع کردی۔
