گوادر: گزشتہ رات نامعلوم مسلح افراد کی کھلے سمندر میں کشتی پر فائرنگ سے ایک شخص جاں بحق دو زخمی تفصیلات کے مطابق گزشتہ رات دیمی زر کے مقام پر کھلے سمندر میں مچھلی کے شکار میں مصروف تین افراد عامر ، خالد اوربدل سکنہ گوادر پر نامعلوم مسلح افراد نے اندھا دھند فائرنگ شروع کردی جس کے نتیجے میں کشتی میں سوار تینوں افراد زخمی ہوگئے زخمیوں کو طبی امداد کے بعد خالد اوربدل کو فارغ کردیا گیا جبکہ شدید زخمی عامر ولد امام سکنہ جیونی حال نیا آباد گوادر کو مزید علاج کے سلسلے میں تربت منتقل کردیا گیا جہاں وہ زخموں کی تاب نہ لاتے ہوئے جاں بحق ہوگیا پولیس نے نامعلوم افراد کے خلاف مقدمہ درج کرکے تفتیش شروع کردی ہے
