تربت: تمپ میں سکیورٹی فورسز پر راکٹ فائر،چار سکیورٹی اہلکار زخمی اطلاع کے مطابق تمپ کے علاقے میں سکیورٹی فورسز کا قافلہ معمول کی گشت پر تھی کہ نامعلوم سمت سے ان پر راکٹس فائر کیئے گئے راکٹس حملے میں چار سکیورٹی اہلکار زخمی ہوگئے جبکہ ایک گاڑی کو بھی نقصان پہنچا ہے حملے کے بعد سکیورٹی فورسز نے مضافاتی علاقوں میں سرچنگ کی اور مند اور تمپ جانے والی خارجی و ڈاخلی راستوں کی ناکہ بندی کی اور گاڑیوں اور موٹرسائیکل سواروں کی تلاشی لی جس سے تریفک شدید متاثر رہی تاہم کسی گرفتاری کی اطلاع نہیں ملی۔دریں اثناء بلوچستان کے علاقے ڈیرہ بگٹی میں سیکورٹی فورسز کی کا رروائی کالعدم تنظیم سے تعلق کے شبے میں3 مشتبہ افراد کو گرفتار کر کے ان کے قبضے سے اسلحہ برآمد کر لیا تا ہم فائرنگ کے تبادلے 2 سیکورٹی اہلکار معمولی زخمی ہوئے ایف سی ترجمان کے مطابق بلوچستان کے علاقے ڈیرہ بگٹی نبی کلی میں کالعدم تنظیم کی شرپسندوں کی موجودگی کی اطلاع پر فائرنگ کے تبادلے کے بعد کالعدم تنظیم سے تعلق کے شبے میں3 مشتبہ افراد کو گرفتار کر لیا اور فائرنگ کے تبادلے میں سیکورٹی فورسز کے2 اہلکار معمولی زخمی ہو گئے گرفتار ہونیوالے ملزمان گیس پائپ لائن کو نقصان پہنچانے اور سیکورٹی فورسز پر حملوں میں ملوث تھے ایف سی ترجمان کے مطابق ملزمان کو مزید تفتیش کیلئے نامعلوم مقام پر منتقل کر دیا۔
