کوئٹہ: سبی کے قریب نامعلوم مسلح افراد نے بجلی کے گیارہ ہزار کلو واٹ کے تین کھمبوں کو دھماکوں سے تباہ کردیا۔ پولیس ذرائع کے مطابق سبی کے قریب گوٹھ چانڈیو کے علاقے میں نامعلوم افراد نے کھیتوں میں گزرنے والی گیارہ ہزار کے وی کے تین کھمبوں کے ساتھ دھماکا خیز مواد نصب کرکے اڑا دیا۔ دھماکے سے تینوں کھمبے زمین بوس ہوگئے اور گوٹھ چانڈیو سمیت کئی دیہاتوں کو بجلی کی فراہمی معطل ہوگئی۔ کیسکو حکام کے مطابق سیکورٹی کلیئرنس ملنے کے بعد مرمت کا کام شروع کیا جائے گا۔
