کوئٹہ: بلوچستان کے ضلع مستونگ میں ٹریفک حادثے میں ایک ہی گھر کے تین افراد جاں بحق اور ایک زخمی ہوگیا۔ پولیس کے مطابق حادثہ جمعرات کو کوئٹہ کراچی شاہراہ پر مستونگ بائی پاس کے قریب پیش آیا جہاں کراچی سے کوئٹہ جانے والی مسافر بس اور مستونگ جانے والے موٹر سائیکل میں تصادم ہوگیا۔ حادثے کے نتیجے میں موٹر سائیکل پر سوارعبدالستار ولد عبدالرزاق ، اس کی اہلیہ اور بیٹا موقع پر ہی جاں بحق جبکہ عبدالستار کی بیٹی شدید زخمی ہوگئی۔ زخمی لڑکی کو طبی امدا دکیلئے سول اسپتال کوئٹہ منتقل کردیا گیا ۔
