اوتھل: زیرو پوائنٹ چیک پوسٹ کے قریب مسافر کوچ اور مسافر وین میں خو فناک تصادم ۔تین مسافر موقع پر جاں بحق۔چار مسافر شدید زخمی۔تفصیلات کے مطابق زیرو پوائنٹ چیک پوسٹ کے قریب کراچی سے بیلہ جانیوالی مسافر وین نمبر BMA-29 اور کوئٹہ سے کراچی جانیوالی الحکمت نامی مسافر کوچ نمبرBSA-327 کے درمیان خوفناک تصادم کے نتیجے میں مسافر وین میں سوار مسافروں میں سے ایک خاتون حسینہ زوجہ محمد عمرساکن گوٹھ سنیاں بیلہ، محمد امین ولد علی محمد ساکن جام یوسف آباد بیلہ اور عبدالصمد ولد غلام قادر ساکن کماچہ موقع پر جاں بحق ہوگئے۔جبکہ مسافر وین کے چار مسافر محمد صدیق ولد عبداﷲ، روف ولد محمد ہاشم ، پری زوجہ محمد رمضان اور محمد حنیف ولد غلام قادر شدید زخمی ہوگئے۔حادثے کی اطلاع ملتے ہی ایدھی ایمبولنسز جائے حادثہ پر پہنچ گئیں اور حادثے میں زخمی اور جاں بحق افراد کی نعشیں فوری طور پر سول ہسپتال اوتھل پہنچائی گئیں ۔ جہاں پر ڈاکٹر ز اور لائف کے رضا کاروں نے زخمیوں کو ابتدائی طبی امداد پہنچا کر شدید زخمیوں کو کراچی ریفر کردیا گیا۔حادثے کی اطلاع ملتے ہی وائس چیرمین ضلع کونسل لسبیلہ قادربخش جاموٹ اور تحصیلدار اوتھل عبدالجلیل کھوسواور ایڈ یشنل SHO اوتھل محمد ہاشم رونجھو نے سول ہسپتال اوتھل پہنچ کر زخمیوں کی عیادت کی ۔جبکہ اوتھل پولیس نے حادثہ کے ذمہ دار ڈرائیورز حراست میں لیکر تحقیقات شروع کردی ہے۔
