کوئٹہ: نوشکی اوربختیار آباد میں ٹریفک حادثات میںآ ٹھ افراد زخمی ہوگئے۔ تفصیلات کے مطابق خاران سے نوشکی جانے والی ڈبل ڈور پک اپ گاڑی رجسٹریشن نمبرPAB871نوشکی کے علاقے جنگلات میں ٹائر برسٹ ہونے کی وجہ سے الٹ گئی۔ حادثے میں ڈرائیور مولا بخش ، مسافرحاجی عبدالغفور اور حرمت خاتون زخمی ہوگئے۔ نوشکی سول اسپتال میں ابتدائی طبی امداد کے بعد زخمیوں کو کوئٹہ روانہ کردیا گیا۔ دریں اثناء بختیار آباد میں موٹر سائیکل اور ویگن میں تصادم کے نتیجے میں پانچ افرادزخمی ہوگئے جنہیں قریبی اسپتال منتقل کردیا گیا ۔
