کوئٹہ: پاک فوج کے ترجمان نے شہبازتاثیر کی تازہ تصاویر جاری کردیں۔ ترجمان پاک فوج کے مطابق شہبازتاثیر مکمل طور پر محفوظ ہیں۔ڈی جی آئی ایس پی آر نے کوئٹہ کے علاقے کچلاک سے بازیاب کرائے جانے والے شہبازتاثیر کی تازہ تصاویر جاری کردیں۔ پاک فوج کے ترجمان کے مطابق شہبازتاثیر مکمل محفوظ اور صحت مند ہیں۔ تازہ تصاویر منگل کی شب ساڑھے نو بجے لی گئیں۔ آئی ایس پی آر کی جانب سے جاری کی گئی تصاویر میں دیکھا جاسکتا ہے کہ شہبازتاثیر ایک صوفے پر بیٹھے ہوئے ہیں اور ان کے چہرے پر مسکراہٹ بھی ہے۔۔ جبکہ انہوں نے گرے رنگ کا شلوار قمیض اور اس کے اوپر واسکٹ پہن رکھی ہے۔شہبازتاثیر کے سر پر ٹوپی،بڑے بڑے بال اور چہرے پر داڑھی کو بھی تصاویر میں واضح دیکھا جاسکتا ہے۔شہباز تاثیر اس لباس اور حلیے میں بالکل ایک مقامی طالب ہی معلوم ہورہے تھے۔
